OoAntava OoOoAntava: ‘ఊ అంటావా ఊఊ అంటావా’ మేల్‌ వెర్షన్‌ అదుర్స్‌..!

చిరు, పవన్‌, స్టెప్పులు పర్‌ఫెక్ట్ ఫిట్‌.. వీడియో వైరల్‌

హైదరాబాద్‌: ఐకాన్‌స్టార్‌ అల్లు అర్జున్‌ నటించిన ‘పుష్ప’లో అగ్రకథానాయిక సమంత ఓ స్పెషల్‌ సాంగ్‌లో ఆడిపాడిన విషయం తెలిసిందే. ‘ఊ అంటావా మావ ఊఊ అంటావా’ అంటూ సాగే ఈ పాట ప్రస్తుతం యూట్యూబ్‌లో సుమారు 34 మిలియన్ల వ్యూస్‌తో అగ్రస్థానంలో ట్రెండ్‌ అవుతోంది. ఇప్పుడు ఇదే పాటకు మేల్‌ వెర్షన్‌ బయటకు వచ్చింది. ఒరిజినల్‌ వెర్షన్‌లో ఉన్న లిరిక్స్‌నే తీసుకొని.. ‘‘మీ కళ్లల్లోనే వంకర ఉంది. ఆడాళ్ల బుద్ధే వంకర బుద్ధి. ఊ అంటావా పాప ఊఊ అంటావా’’ అంటూ మార్చి పాడి..  ‘‘వాలి’’ అనే ఓ నెటిజన్‌ ట్విటర్‌ వేదికగా షేర్‌ చేశారు. ఆ పాటకు తగినట్టు ‘తమ్ముడు’, ‘అత్తారింటికి దారేది’, ‘బిల్లా’, ‘సన్నాఫ్‌ సత్యమూర్తి’ ‘వేదం’, ‘ఖైదీ నం: 150’ చిత్రాల్లోని పలు ఫేమస్‌ స్టెప్పులతో ఈ క్లిప్‌ను తయారు చేశారు. ప్రస్తుతం ఈ వీడియో నెటిజన్లను ఎంతగానో ఆకర్షిస్తోంది. ‘మేల్‌ వెర్షన్‌ అదిరింది’ అంటూ కామెంట్లు చేస్తున్నారు. మరోవైపు సుకుమార్‌ దర్శకత్వం వహించిన ‘పుష్ప’ చిత్రం డిసెంబర్‌ 17న ప్రేక్షకుల ముందుకు రానుంది. బన్నీకి జంటగా రష్మిక సందడి చేయనున్నారు.