83 Teaser: హిస్టారిక్‌ మూమెంట్‌తో ‘83’ టీజర్‌

హైదరాబాద్‌: భారత క్రికెట్‌ దిగ్గజం కపిల్‌దేవ్‌ జీవితాన్ని ఆధారంగా చేసుకొని తెరకెక్కిన స్పోర్ట్స్‌ డ్రామా ‘83’. బాలీవుడ్‌ నటుడు రణ్‌వీర్‌ సింగ్‌ ప్రధాన పాత్రల్లో నటించిన ఈ చిత్రం డిసెంబర్‌ 24న ప్రేక్షకుల ముందుకు రానుంది. ఈనేపథ్యంలో తాజాగా ‘83’ టీజర్‌ను అక్కినేని నాగార్జున ట్విటర్‌ వేదికగా విడుదల చేశారు. 1983లో భారత్‌ క్రికెట్‌ టీమ్‌ వరల్డ్‌ కప్‌ అందుకోవడానికి కారణమైన హిస్టారిక్‌ క్యాచ్‌తో ఈ వీడియోని రూపొందించారు. ఆనాటి రోజులకు అద్దంపట్టేలా సన్నివేశాలు చిత్రీకరించారు. ఇక, కపిల్‌దేవ్‌గా రణ్‌వీర్‌ సింగ్ లుక్‌ ఆకట్టుకునేలా ఉంది. ఈ సినిమా ట్రైలర్‌ నవంబర్‌ 30న ప్రేక్షకుల ముందుకు రానుంది.

పాన్‌ ఇండియా మూవీగా ఈ సినిమా విడుదల కానుంది. కబీర్‌ఖాన్ ఈ చిత్రానికి దర్శకత్వం వహించారు. ఇందులో కపిల్‌దేవ్ సతీమణిగా రణ్‌వీర్‌కు జోడీగా దీపికా పదుకొణె నటించారు. తాహీర్‌ రాజ్‌ భాసిన్‌, జీవి, కీలకపాత్రలు పోషించారు. రిలయన్స్‌ ఎంటర్‌టైన్‌మెంట్స్‌ పతాకంపై నిర్మితమైన ఈ చిత్రాన్ని తెలుగులో అన్నపూర్ణ స్టూడియోస్‌ బ్యానర్‌పై నాగార్జున విడుదల చేయనున్నారు.

► Read latest Cinema News and Telugu News