Manu Charitra: తుమ్‌ సే మేరా.. ప్యార్‌ హువా

శివ కందుకూరి, మేఘా ఆకాష్‌, ప్రియ వడ్లమాని, ప్రగతి శ్రీవాత్సవ్‌ నాయకానాయికలుగా నటిస్తున్న చిత్రం ‘మను చరిత్ర’. భరత్‌ పెదగాని దర్శకుడు. నరాల శ్రీనివాసరెడ్డి నిర్మిస్తున్నారు. గోపీ సుందర్‌   సంగీతమందిస్తున్నారు. ఈ సినిమాలోని  ‘‘హమేషా.. హమేషా’’ అనే వీడియో గీతాన్ని ఇటీవల విడుదల చేశారు. ‘‘కనబడకనె తెగతిరుగుతు.. నను వెతికిన తుమ్‌సే మేరా ప్యార్‌ హువా’’ అంటూ వినసొంపుగా సాగుతున్న ఈ పాటకు కృష్ణకాంత్‌ సాహిత్యం అందించగా.. రమ్య బెహ్రా ఆలపించింది. ‘‘వరంగల్‌ నేపథ్యంలో సాగే ఇంటెన్స్‌ లవ్‌ స్టోరీతో రూపొందుతున్న చిత్రమిది. త్వరలో మరిన్ని వివరాలు తెలియజేస్తాం’’ అని చిత్ర బృందం తెలిపింది. కూర్పు: ప్రవీణ్‌ పూడి, ఛాయాగ్రహణం: రాహుల్‌ శ్రీవాత్సవ్‌.