Updated : 08/11/2021 13:13 IST

Bheemla nayak: పిడుగులొచ్చి మీదపడితె కొండగొడుగునెత్తినోడు

థా రచయితగా. దర్శకుడిగా సినీప్రియులపై చెరగని ముద్ర వేశారు త్రివిక్రమ్‌. ఇప్పుడాయన ‘భీమ్లా నాయక్‌’ కోసం తనలోని పాటల రచయితను మేల్కొలిపారు. పవన్‌ కల్యాణ్‌ టైటిల్‌ పాత్రలో నటిస్తున్న చిత్రమిది. సాగర్‌ కె.చంద్ర తెరకెక్కిస్తున్నారు. రానా మరో హీరో. తమన్‌ స్వరాలందించారు. ప్రస్తుతం శరవేగంగా చిత్రీకరణ జరుపుకొంటోన్న ఈ సినిమాకి త్రివిక్రమ్‌ స్క్రీన్‌ప్లే, సంభాషణలు సమకూరుస్తున్న సంగతి తెలిసిందే. ఇప్పుడాయనే ఈ చిత్ర టైటిల్‌ గీతానికి సాహిత్యం అందించారు. ‘‘లాలా భీమ్లా.. అడవి పులి.. గొడవపడి’’ అంటూ సాగే ఈ పాటను త్రివిక్రమ్‌ పుట్టినరోజు సందర్భంగా ఆదివారం విడుదల చేశారు. భీమ్లా నాయక్‌ పాత్ర వ్యక్తిత్వాన్ని.. ఆ పాత్రలోని హీరోయిజాన్ని ఈ పాటతో చూపించే ప్రయత్నం చేశారు. ‘‘పదిపడగల పాముపైన పాదమెడితె సామితోడు.. పిడుగులొచ్చి మీదపడితె కొండగొడుగునెత్తినోడు.. లాలా భీమ్లా’’ అంటూ పాటలో వినిపించిన త్రివిక్రమ్‌ సాహిత్యం శక్తిమంతంగా ఉంది. దీనికి తగ్గట్లుగా పవన్‌ను చూపించిన విధానం ప్రత్యేక ఆకర్షణగా నిలిచింది. ఈ పాటను అరుణ్‌ కౌండిన్య ఆలపించగా.. ఫల్గుని బంగేరా నృత్యరీతులు సమకూర్చారు. మలయాళంలో విజయవంతమైన ‘అయ్యప్పానుమ్‌ కోశియుమ్‌’కు రీమేక్‌గా రూపొందుతోన్న చిత్రమిది. ఇందులో పవన్‌ సరసన నిత్యామేనన్‌ నటిస్తుండగా.. రానాకు జోడీగా సంయుక్త మేనన్‌ కనిపించనుంది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని