Romantic: హ్యాపీ హ్యాపీ మామ.. దిల్‌ ఖుష్‌ అయితదే

ఆకాష్‌ పురి, కేతిక శర్మ జంటగా నటించిన చిత్రం ‘రొమాంటిక్‌’. అనిల్‌ పాదూరి తెరకెక్కించారు. పూరి జగన్నాథ్‌, ఛార్మి సంయుక్తంగా నిర్మించారు. రమ్యకృష్ణ ప్రధాన పాత్రలో నటించారు. సునీల్‌ కశ్యప్‌ స్వరాలందించారు. ఈ సినిమాలోని మూడో లిరికల్‌ గీతాన్ని మంగళవారం విడుదల చేశారు. ‘‘హ్యాపీ హ్యాపీ మామ.. దిల్‌ ఖుష్‌ అయితదే.. పీనే కే బాద్‌’’ అంటూ వినసొంపుగా సాగుతున్న ఈ పాటకు భాస్కర భట్ల, పూరి జగన్నాథ్‌ సాహిత్యం అందించగా.. సునీల్‌ కశ్యప్‌ ఆలపించారు. జానీ మాస్టర్‌ నృత్యరీతులు సమకూర్చారు. ‘‘కొత్తదనమున్న ప్రేమ కథాంశంతో రొమాంటిక్‌ ఎంటర్‌టైనర్‌గా ఈ సినిమా రూపొందిస్తున్నాం. యువతరంతో పాటు అన్ని వర్గాల ప్రేక్షకుల్ని అలరిస్తుంది. ఆకాష్‌, కేతిక కెమిస్ట్రీ అందరినీ ఆకట్టుకుంటుంది’’ అని చిత్ర బృందం తెలియజేసింది.