Nidhi Agarwal: ‘వీరమల్లు..’ కష్టం.. నాకెంతో విలువైనది

‘మోడ్రన్‌ గర్ల్‌.. గ్లామర్‌ హీరోయిన్‌’.. అన్న మాటలు వినీ వినీ అలిసిపోయానంటోంది నటి నిధి అగర్వాల్‌. తెరపై గ్లామర్‌ డాల్‌గా కనిపించడం కన్నా..

Updated : 21 Oct 2021 08:14 IST

‘మోడ్రన్‌ గర్ల్‌.. గ్లామర్‌ హీరోయిన్‌’.. అన్న మాటలు వినీ వినీ అలిసిపోయానంటోంది నటి నిధి అగర్వాల్‌. తెరపై గ్లామర్‌ డాల్‌గా కనిపించడం కన్నా.. వైవిధ్యభరితమైన పాత్రల్లో నటించడమే తనకిష్టమని చెబుతోంది. ప్రస్తుతం ఈ అందాల నిధి.. పవన్‌ కల్యాణ్‌కు జోడీగా  ‘హరి హర వీరమల్లు’లో నటిస్తున్న సంగతి తెలిసిందే. క్రిష్‌ తెరకెక్కిస్తున్న పీరియాడికల్‌ చిత్రమిది. ఈ చిత్ర విశేషాలను నిధి అగర్వాల్‌ ఇటీవల పంచుకుంది. ‘‘వీరమల్లు..’లో నేను పంచమి అనే యువరాణిగా నటిస్తున్నా. నా కెరీర్‌లోనే ఎంతో వైవిధ్యభరితమైన పాత్ర ఇది. శారీరకంగా నాకెంతో    సవాల్‌గా నిలిచింది. ఈ సినిమా కోసం చాలా ఆభరణాలు ధరించాను. ఒంటిపై ధరించిన కాస్ట్యూమ్స్‌ చాలా బరువైనవి. ప్రతిదీ చేతితో కుట్టినదే. అందుకే వీటిని క్యారీ చేస్తూ.. షూట్‌లో పాల్గొనడం ఎంతో కష్టంగా అనిపించేది. ఓ షాట్‌ అయిపోతే జాగ్రత్తగా ఓ దగ్గర కూర్చోవడమే తప్ప.. విశ్రాంతి తీసుకోవడానికి వీలుండేది కాదు. అయితే ఈ కష్టమంతా నాకెంతో విలువైనదిగా అనిపించేది. నటిగా ఇంత అద్భుతమైన చిత్రంలో భాగమైనందుకుఆనందంగా ఉంది’’ అని నిధి చెప్పుకొచ్చింది.  ప్రస్తుతం ఆమె తెలుగులో ‘హీరో’ అనే మరో సినిమాలోనూ నటిస్తోంది.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts