Cinema News: ‘పాయిజన్‌’ కథేంటి?

రమణ, షఫి, కమల్‌, సిమ్రాన్‌, శివన్య, సారిక, అర్చన తదితరులు ప్రధాన పాత్రల్లో నటిస్తున్న చిత్రం ‘పాయిజన్‌’. రవిచంద్రన్‌ దర్శకుడు. శిల్పిక.కె నిర్మాత. ఈ సినిమా తెలుగు, తమిళ, కన్నడ, మలయాళ భాషల్లో ఒకేసారి విడుదల చేయనున్నారు. ఈ చిత్ర మోషన్‌ పోస్టర్‌ను నిర్మాత సి.కల్యాణ్‌ ఇటీవల విడుదల చేశారు. ఈ సందర్భంగా ఆయన మాట్లాడుతూ.. ‘‘దర్శకుడు ఓ విభిన్నమైన కథాంశంతో ఈ సినిమా తీశారు. మోషన్‌ పోస్టర్‌ వైవిధ్యభరితంగా ఉంది. ఓ బెంచ్‌ మార్క్‌ చిత్రం కావాలని కోరుకుంటున్నా’’ అన్నారు. ‘‘ఇదొక క్రైమ్ల్‌థ్రిల్లర్‌ మిస్టరీ జానర్లో నడుస్తుంది. కచ్చితంగా అందరికీ నచ్చేలా ఉంటుంది’’ అన్నారు దర్శకుడు. ఈ సినిమాకి సంగీతం: డి.జె.నిహాల్‌, ఛాయాగ్రహణం: ముత్తు కుమరన్‌.