Aakanksha Singh: పెళ్లి తర్వాతా రాణించడానికి కారణం అదే: నటి ఆకాంక్షసింగ్
‘మళ్లీరావా’ ఫేం ఆకాంక్షసింగ్ ఇంటర్వ్యూ. ఆమె పంచుకున్న ఆసక్తికర విశేషాలివీ...
ఇంటర్నెట్ డెస్క్, ప్రత్యేకం: పెళ్లితో కథానాయిక కెరీర్ ముగిసిపోతుందని చాలామంది అభిప్రాయపడుతుంటారు. అందులో నిజంలేదని, వివాహమయ్యాకే తాను ఎక్కువ అవకాశాలు అందుకున్నానని ఆకాంక్షసింగ్ తెలిపారు. ‘మళ్లీరావా’, ‘దేవదాస్’ చిత్రాలతో తెలుగు ప్రేక్షకులకు దగ్గరైన ఈ నటి ఇప్పుడు ‘పరంపర’ అనే వెబ్ సిరీస్తో సందడి చేస్తున్నారు. ఈ సందర్భంగా ‘ఈనాడు.నెట్’తో ప్రత్యేకంగా సంభాషించారు. వ్యక్తిగత, వృత్తిపర విషయాలెన్నో పంచుకున్నారు.
చాలాకాలం తర్వాత తెలుగు ప్రేక్షకుల్ని పలకరించారు. ఈ విరామానికి కారణమేంటి?
ఆకాంక్ష: గ్యాప్ ఇవ్వలేదు.. వచ్చింది (నవ్వులు). దానికి కారణం కొవిడ్/లాక్డౌన్. నా సినిమాల విడుదల విషయంలో ఆలస్యమవుతుందేమో గానీ అవకాశాల్ని అందుకోవటంలో కాదు. ఆది పినిశెట్టితో కలిసి నటించిన ‘క్లాప్’, ‘శివుడు’ (తమిళం, తెలుగు), అజయ్ దేవ్గణ్- అమితాబ్ బచ్చన్తో కలిసి నటించిన ‘రన్వే 34’ (హిందీ), దీప్తి (నటుడు నాని సోదరి) దర్శకత్వంలో నటించిన ‘మీట్ క్యూట్’ (తెలుగు) చిత్రాలన్నీ విడుదలకు సిద్ధంగా ఉన్నాయి. వీటిల్లో రెండు సినిమాలు ఈ ఏడాదే ప్రేక్షకుల ముందుకు రావాల్సి ఉండగా కొవిడ్ కారణంగా వాయిదా పడ్డాయి. ఆ లోటును ‘పరంపర’ తీర్చిందనుకుంటున్నా. ఈ క్రైమ్ డ్రామా వెబ్ సిరీస్లో నేను రచన అనే శక్తిమంతమైన పాత్ర పోషించా. మహిళలకు స్ఫూర్తిన్నిచ్చే క్యారెక్టర్ ఇది. కచ్చితంగా మీ అందరికీ నచ్చుతుందని ఆశిస్తున్నా.
శరత్కుమార్, జగపతిబాబు, మురళీమోహన్ వంటి సీనియర్ నటులతో పనిచేయడం ఎలా అనిపించింది?
ఆకాంక్ష: శరత్కుమార్, జగపతిబాబు, మురళీమోహన్.. ముగ్గురూ దిగ్గజ నటులే. వారు లివింగ్ లెజెండ్స్. అలాంటి వీరు ‘పరంపర’ కోసం కలిసి పనిచేయటం గొప్ప విషయం. నటిగా వీరి నుంచి ఎన్నో విషయాల్ని నేర్చుకున్నా. ఈ క్రేజీ ప్రాజెక్టులో భాగస్వామినైనందుకు చాలా ఆనందంగా ఉంది. వీరితోపాటు నవీన్చంద్ర నటనా నన్నెంతగానో ఆకట్టుకుంది. చాలా అద్భుతమైన నటుడతను.
అన్ని చలన చిత్ర పరిశ్రమల్లోనూ పనిచేశారు. భాష పరంగా ఎలాంటి ఇబ్బందులు ఎదుర్కొన్నారు?
ఆకాంక్ష: భాష అనేది ఓ మాధ్యమం మాత్రమే. మనం చెప్పాలనుకున్నది హావభావాలతో చెప్పేందుకు ఎలాంటి భాష అవసరంలేదు. ఎమోషన్ పండించటమే నటిగా నా బాధ్యత. దాని కోసం నా టీమ్ సహాయం చేస్తుంది. నాకు అర్థమయ్యే భాషలో అనువదిస్తుంది. అంతేకాదు, దేన్నైనా త్వరగా గ్రహించే లక్షణం నాలో ఉంది. అందుకే నాకు అంత కష్టమనిపించదు..
నటిగా అసలు మీ ప్రయాణం ఎలా మొదలైంది?
ఆకాంక్ష: నాకు చిన్నప్పటి నుంచే నటన అంటే చాలా ఇష్టం. అయితే నేనెప్పుడూ నటినవుతానని అనుకోలేదు. అందరిలానే నేనూ బాత్రూమ్, అద్దం ముందు సరదాగా ట్రయల్స్ వేసేదాన్ని. మా అమ్మ థియేటర్ ఆర్టిస్ట్ కావడంతో నేనూ స్టేజ్లపై ప్రదర్శనలు ఇచ్చేదాన్ని. అలా నన్ను చూసిన ఒకరు ఓ ధారావాహికకు ఆడిషన్ ఇవ్వమన్నారు. నటనపై ఉన్న ఆసక్తితో ఆ ప్రయత్నం చేశా. ‘నా బోలే తుమ్ నా మైనే కుచ్ కహా’ అనే హిందీ ధారావాహిక కోసం తొలిసారి కెమెరా ముందుకొచ్చా. ఫిజియోథెరపిస్ట్ విద్యనభ్యసించిన నేను నటిగా మిమ్మల్ని అలరిస్తారని ఎప్పుడూ ఊహించలేదు.
నటిగా బుల్లితెరపై మంచి గుర్తింపు తెచ్చుకున్న మీరు సినిమాల్లోకి రావటానికి కారణం?
ఆకాంక్ష: నాకెప్పుడూ కొత్త కొత్త పాత్రలో నటించాలనుంటుంది. అందుకే సినిమాల్లోకి వచ్చా. సినిమా సినిమాకీ పాత్రలు మారుతుంటాయి. విభిన్న గెటప్లతో ప్రేక్షకుల్ని అలరించవచ్చు. అదే ధారావాహికలైతే ఒకే పాత్రలో ఏళ్ల తరబడి నటించాలి. ఇప్పటికీ టీవీ నుంచి ఆఫర్లొస్తున్నాయి. ప్రస్తుతం సినిమాలు, వెబ్ సిరీస్లతో బిజీగా ఉండటంతో ఆ ఆలోచన మానుకున్నా. భవిష్యత్లో మళ్లీ బుల్లితెరపై కనిపిస్తానో లేదో ఇప్పుడు చెప్పలేను.
టీవీ, సినిమా, ఓటీటీ.. వీటిల్లో ఏది మీకు కంఫర్ట్?
ఆకాంక్ష: నాకే కాదు నటులెవరికీ కంఫర్ట్ జోన్ అంటూ ఏమీ ఉండదు. ఎంపిక చేసుకున్న పాత్రకు న్యాయం చేయగలమా? ప్రేక్షకుల్ని మెప్పించగలమా? అనేదే ఆలోచిస్తా తప్ప అది ఏ మాధ్యమంలో విడుదలవుతుందనే విషయాన్ని పట్టించుకోను.
నటనలో మీకు స్ఫూర్తి ఎవరు?
ఆకాంక్ష: ఎంతోమంది నటులు నన్ను ఇన్స్పైర్ చేశారు. ఫలానా వారని చెప్పలేను. నాకు నచ్చిన సినిమాల్లోని పాత్రలన్నీ నాకెంతో స్ఫూర్తినిస్తుంటాయి.
ఏ అంశాన్ని దృష్టిలో పెట్టుకుని సినిమాల్ని ఎంపిక చేసుకుంటుంటారు?
ఆకాంక్ష: పెద్ద పెద్ద స్టార్లు ఉన్నారనో, ఇంకేవో ఆకర్షించే అంశాలున్నాయనో నేనే ప్రాజెక్టును ఓకే చేయను. కథ, నా పాత్ర నచ్చితేనే ఏ సినిమాలోనైనా నటిస్తా.
డ్రీమ్ రోల్స్ ఏమైనా ఉన్నాయా?
ఆకాంక్ష: ముఖ్యంగా రెండు డ్రీమ్ రోల్స్ ఉన్నాయి. ఒకటి.. యువరాణిగా నటించాలని, రెండు.. బయోపిక్స్లో కనిపించాలనేది నా కోరిక.
పెళ్లి తర్వాతే వరుస అవకాశాలు అందుకుంటూ దూసుకెళ్తున్నారు. అదెలా సాధ్యమవుతోంది?
ఆకాంక్ష: పెళ్లి అయ్యాక కూడా మగవారు నటిస్తూనే ఉంటారు. ‘ఎందుకింకా నటిస్తున్నారు’ అని ఎవరూ వారిని ప్రశ్నించరు. అదే అమ్మాయిల విషయంలో అయితే కెరీర్ ముగిసిపోయిందంటుంటారు. నేను అలాంటి మాటల్ని నమ్మను. ఎందుకంటే సినిమాకు నటన ముఖ్యం. వ్యక్తిగత విషయాలైన వయసు, పెళ్లి అనేవి కాదు. ఎవరికైతే నా నటన నచ్చుతుందో వారు తమ సినిమాల్లో నన్ను ఎంపిక చేసుకుంటారు. నా భర్త కునాల్ సపోర్ట్ నాకెప్పుడూ ఉంటుంది. ఆయన వల్లే నేను రాణించగలుగుతున్నా. నిజం చెప్పాలంటే నేను పెళ్లికి ముందుకు నటించింది కేవలం ధారావాహికలోనే. వివాహం అనంతరమే సినిమాల్లోకి వచ్చా.
మీది ప్రేమ వివాహమా..?
ఆకాంక్ష: కునాల్ నేనూ ఫ్యామిలీ ఫ్రెండ్స్. ఒకరిపై ఒకరం చాలా ఆరాధన భావంతో ఉండేవాళ్లం. కొన్నాళ్లకు మా ప్రేమ విషయం కుటుంబ సభ్యులతో చెప్పి పెళ్లి చేసుకున్నాం.
తెలుగు ప్రేక్షకుల గురించి ఏం చెబుతారు?
ఆకాంక్ష: తెలుగు ప్రేక్షకుల్ని ఎప్పటికీ మరిచిపోలేను. జైపుర్ నుంచి వచ్చిన నన్ను ఎంతగానో ఆదరించారు. తొలి పరిచయం (మళ్లీరావా)లోనే నాపై ప్రేమ కురిపించారు. వారి వల్లే నేనీ స్థానంలో ఉన్నా. వారిని అలరించేందుకు ఇంకా కష్టపడతా.
తెలుగులో మీకు నచ్చిన నటుడు?
ఆకాంక్ష: నాకు నచ్చిన నటుల జాబితా చాలా పెద్దది. ప్రత్యేకంగా ఒకరి పేరు చెప్పలేను (నవ్వులు).
హైదరాబాద్ నగరంతో మీకున్న అనుబంధం?
ఆకాంక్ష: నాకు నచ్చిన సిటీల్లో హైదరాబాద్ ఒకటి. నా సొంతూరిలా భావిస్తా. హైదరాబాద్ ప్రజల్ని, ఇక్కడ దొరికే ఆహారాన్ని చాలా ప్రేమిస్తా.
లాక్డౌన్ మీకేం నేర్పింది?
ఆకాంక్ష: ఒకటీ రెండూ కాదు లాక్డౌన్ సమయంలో ఎన్నో విషయాల్ని నేర్చుకున్నా. నన్ను నేను తెలుసుకున్నా. కుటుంబ సభ్యులతో ఎక్కువ సేపు గడిపే అవకాశం లభించింది.
వెల కట్టలేని క్షణాలవీ..
‘రన్వే 34’ సినిమాలోని నా నటన మెచ్చిన అమితాబ్ బచ్చన్ తానే స్వయంగా ఓ లెటర్ రాసిచ్చారు. నా జీవితంలో మరిచిపోలేని సంఘటనది. వెల కట్టలేని క్షణాలవి. ఆ లెటర్ను ఫ్రేమ్ చేసి ఇంట్లో పెట్టుకున్నా. ఇదే చిత్రంలో అజయ్దేవ్గణ్తో కలిసి నటించటం మంచి అనుభూతినిచ్చింది. ఆయనలో నటుడే కాదు మంచి దర్శకుడూ ఉన్నాడు.
నాగార్జున స్వీట్హార్ట్..
నాగార్జున్ సర్ చాలా స్వీట్హార్ట్. ఓ స్టార్ అనే ఫీలింగ్ ఆయనకు ఉండదు. చాలా ఫ్రెండ్లీగా ఉంటారు. ఎంత ఎదిగినా ఒదిగి ఉండే తత్వం ఆయనది. ‘దేవదాస్’ సినిమా చిత్రీకరణలో బాగా ఎంజాయ్ చేశా.
మరికొన్ని..
* నచ్చిన దుస్తులు: ట్రెండీ, ట్రెడిషనల్.. అన్ని రకాల దుస్తుల్ని ఇష్టపడతా.
* ఇష్టమైన ప్రదేశం: కెమెరా ఎక్కడుంటే అదే నాకిష్టమైన స్థలం.
* నచ్చిన వంటకం: పానీపూరి.
* హాబీ: గుర్రపు స్వారీ, కథలు, కవితలు రాయటం.
► Read latest Cinema News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
జగనన్న నవ్వులు.. జనాలకు చుక్కలు
-
కూలీ బిడ్డకు 993 మార్కులు
-
ఏ ముఖం పెట్టుకుని రాజధాని రైతులను సీఎం ఓట్లు అడుగుతారు
-
ఒకే బైక్పై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
సూర్యాపేట జిల్లాలో ఘోర రోడ్డు ప్రమాదం.. ఆరుగురు మృతి
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?