Published : 31 Jul 2021 01:10 IST

Stand Up Rahul: అలరిస్తోన్న ‘అలా ఇలా అనాలని’ గీతం

ఇంటర్నెట్‌ డెస్క్‌: రాజ్‌ తరుణ్‌, వర్ష బొల్లమ్మ జంటగా నటిస్తోన్న చిత్రం ‘స్టాండప్‌ రాహుల్‌’. కూర్చుంది చాలు అనేది ఉప శీర్షిక. శాంటో మోహన్‌ వీరంకి దర్శకత్వం వహిస్తున్నారు. కథానాయిక వర్ష పుట్టిన రోజు నేడు. ఈ సందర్భంగా ఈ సినిమాలోని ‘అలా ఇలా అనాలని’ అనే పాట (లిరికల్‌ వీడియో)ని సామాజిక మాధ్యమాల వేదికగా విడుదల చేశారు యువ నటుడు విజయ్‌ దేవరకొండ. అనంత శ్రీరామ్‌ సాహిత్యం అందించిన ఈ మెలొడీ అన్ని వర్గాల శ్రోతల్ని అలరిస్తోంది. సత్య యామిని, స్వీకర్‌ అగస్తి గానం వినసొంపుగా ఉంది. ఈ గీతానికి స్వీకర్‌ అగస్తినే స్వరాలు సమకూర్చారు. రాజ్‌ తరుణ్‌- వర్ష జోడీ కనువిందు చేస్తోంది. ఈ ఇద్దరి మధ్య కెమిస్ట్రీ ఆకట్టుకుంటుంది. రాజ్‌ తరుణ్‌ ఈ సినిమాలో స్టాండప్‌ కమెడియన్‌గా కనిపించనున్నాడు. వెన్నెల కిశోర్‌, మురళీ శర్మ, ఇంద్రజ, దేవీ ప్రసాద్‌ తదితరులు కీలక పాత్రలు పోషిస్తున్నారు. ఇటీవల విడుదలైన టీజర్‌ విశేషంగా అలరించింది. ఈ చిత్రాన్ని డ్రీమ్‌ టౌన్‌ ప్రొడక్షన్స్‌, హైఫై పిక్చర్స్‌ సంస్థలు నిర్మిస్తున్నాయి.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని