NTR 30: క్రేజీ ప్రాజెక్ట్‌కి బీటౌన్‌ బ్యూటీ గ్రీన్‌ సిగ్నల్‌!

యంగ్‌ టైగర్‌ ఎన్టీఆర్‌-కొరటాల శివ కాంబినేషన్‌లో త్వరలో ఓ క్రేజీ ప్రాజెక్ట్‌ పట్టాలెక్కనున్న విషయం తెలిసిందే. ప్రస్తుతం ‘ఆర్‌ఆర్ఆర్‌’ పోస్ట్‌ ప్రొడెక్షన్‌ పనుల్లో.....

Published : 16 Sep 2021 02:22 IST

హైదరాబాద్‌: యంగ్‌ టైగర్‌ ఎన్టీఆర్‌-కొరటాల శివ కాంబినేషన్‌లో త్వరలో ఓ క్రేజీ ప్రాజెక్ట్‌ పట్టాలెక్కనున్న విషయం తెలిసిందే. ప్రస్తుతం ‘ఆర్‌ఆర్ఆర్‌’ పోస్ట్‌ ప్రొడక్షన్‌ పనుల్లో బిజీగా ఉన్న తారక్‌ త్వరలోనే ఈ సినిమా సెట్‌లోకి అడుగుపెట్టనున్నారు. తాజాగా ఈ సినిమాకు సంబంధించి ఓ ఆసక్తికర విషయం నెట్టింట్లో తెగ చక్కర్లు కొడుతోంది. ఇందులో తారక్‌కు జోడీగా బాలీవుడ్‌ భామ ఆలియాభట్‌ నటించే అవకాశాలున్నట్లు తెలుస్తోంది. ఈ మేరకు ఇప్పటికే చిత్రబృందం ఆలియాను సంప్రదించగా.. ఆమె కూడా గ్రీన్‌ సిగ్నల్‌ ఇచ్చినట్లు వార్తలు వస్తున్నాయి. ఈ విషయంపై ఇంకా అధికారిక ప్రకటన వెలువడలేదు. మరోవైపు రాజమౌళి తెరకెక్కిస్తోన్న ‘ఆర్‌ఆర్‌ఆర్‌’తో ఆలియా తెలుగు ప్రేక్షకులకు చేరువయ్యారు.

‘జనతా గ్యారేజ్‌’ తర్వాత తారక్‌-శివ కాంబినేషన్‌లో వస్తోన్న రెండో సినిమా ఇది. ఇందులో ఎన్టీఆర్‌ మునుపెన్నడూ లేనివిధంగా పవర్‌ఫుల్‌ లుక్‌లో కనిపించే అవకాశం ఉన్నట్లు సమాచారం. అనిరుధ్‌ స్వరాలు అందించనున్నారని టాక్‌. అక్టోబర్‌ నుంచి ఈసినిమా పట్టాలెక్కే అవకాశం ఉన్నట్లు తెలుస్తోంది.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని