Macherla Niyojakavargam: ‘మాచర్ల నియోజకవర్గం’లో మరో అందం

ఇంటర్నెట్‌ డెస్క్‌: నితిన్‌ హీరోగా తెరకెక్కుతున్న పొలిటికల్‌ డ్రామా చిత్రం ‘మాచర్ల నియోజకవర్గం’. ఎం.ఎస్‌. రాజశేఖర్‌రెడ్డి దర్శకుడు. ఈ సినిమాలో ఓ కథానాయికగా ఇప్పటికే కృతిశెట్టిని ఖరారు చేసిన చిత్ర బృందం తాజాగా మరో నాయిక వివరాల్ని ప్రకటించింది. నితిన్‌ సరసన కృతిశెట్టితోపాటు కేథరిన్‌ సందడి చేయనుందని తెలియజేసింది. ప్రాజెక్టులోకి ఆమెను ఆహ్వానిస్తూ ఓ పోస్టర్‌ను విడుదల చేసింది. ఈ ముద్దుగుమ్మ ఇంతకుముందు ‘సరైనోడు’, ‘గౌతమ్‌నంద’, ‘నేనే రాజు నేనే మంత్రి’, ‘వరల్డ్‌ ఫేమస్‌ లవర్‌’ తదితర చిత్రాలతో అలరించింది. ‘మాచర్ల..’లో నితిన్‌ ఇప్పటి వరకు కనిపించని కొత్త లుక్‌లో దర్శనమివ్వనున్నారు. ఈ చిత్రాన్ని సుధాకర్‌ రెడ్డి, నిఖితా రెడ్డి సంయుక్తంగా నిర్మిస్తున్నారు. శరవేగంగా చిత్రీకరణ జరుపుకుంటున్న ఈ సినిమా వచ్చే ఏడాది ఏప్రిల్‌ 29న విడుదలకానుంది. ఈ సినిమాకి సంగీతం: మహతి స్వరసాగర్‌, ఛాయాగ్రహణం: ప్రసాద్‌ మూరెళ్ల.

► Read latest Cinema News and Telugu News