Atithi Devo Bhava: ‘నా భయం నాతోనే ఉంటుంది’.. ఆసక్తిగా ‘అతిథి దేవోభవ’ టీజర్‌

ఇంటర్నెట్ డెస్క్‌: ‘రాముడికి లక్ష్మణుడు వెంట ఉన్నట్టు నా భయం ఎప్పుడూ నాతోనే ఉంటుంది’ అని అంటున్నారు నటుడు ఆది సాయికుమార్‌. ఆయన హీరోగా నటిస్తున్న ‘అతిథి దేవోభవ’ చిత్రంలోని సంభాషణ ఇది. తాజాగా టీజర్‌ విడుదలైంది. కొన్ని సరదా సన్నివేశాలు, ట్విస్ట్‌లతో ఆద్యంతం ఆసక్తిగా సాగింది. టీజర్‌లో వినిపించిన డైలాగ్స్‌ని బట్టి ఈ సినిమాలో కథానాయకుడికి ఏదో లోపం ఉన్నట్టు అర్థమవుతుంది. ‘ఒకడు చెప్పాడని ఇంకొకడితో చేయించేవాడు కాదురా.. ఎవడిది వాడు సెట్‌ చేసుకున్నోడే దమ్మునోడు’ అనే పవర్‌ఫుల్‌ డైలాగ్‌ ఆకట్టుకునేలా ఉంది. ఈ చిత్రంలో ఆది సరసన నువేక్ష సందడి చేయనుంది. పొలిమేర నాగేశ్వర్‌ దర్శకత్వం వహిస్తున్న ఈ సినిమాకి శేఖర్‌ చంద్ర సంగీతం అందిస్తున్నారు. శ్రీనివాసా సినీ క్రియేషన్స్‌ పతాకంపై మిర్యాల రాజాబాబు, అశోక్‌రెడ్డి నిర్మిస్తున్నారు.

► Read latest Cinema News and Telugu News