Nootokka Jillala Andagadu: రివ్యూ: నూటొక్క జిల్లాల అందగాడు
అవసరాల శ్రీనివాస్, రుహానీశర్మ జంటగా నటించిన ‘నూటొక్క జిల్లాల అందగాడు’ ఎలా ఉందంటే..?
చిత్రం: నూటొక్క జిల్లాల అందగాడు; నటీనటులు: అవసరాల శ్రీనివాస్, రుహాని శర్మ, రోహిణి, శివన్నారాయణ, తదితరులు; కథ, రచయిత: అవసరాల శ్రీనివాస్; నిర్మాత: శిరీష్ రాజీవ్ రెడ్డి, సాయిబాబు; బ్యానర్: ఫస్ట్ ఫ్రేమ్ ఎంటర్టైన్మెంట్స్, సమర్పణ: దిల్రాజు, క్రిష్; దర్శకుడు: రాచకొండ విద్యాసాగర్; విడుదల తేదీ: 03-09-2021
దర్శకుడు క్రిష్.. నిర్మాత దిల్రాజు.. ఆల్రౌండర్ అవసరాల శ్రీనివాస్.. వీళ్లంతా కలిసి చేసిన చిత్రం కావడంతో ‘నూటొక్క జిల్లాల అందగాడు’ ప్రేక్షకుల్లో ప్రత్యేకమైన ఆసక్తిని రేకెత్తించింది. బట్టతల సమస్య ప్రధానాంశంగా రూపొందిన ఈ సినిమా ప్రచార చిత్రాలు కూడా ప్రేక్షకుల్లో మరింత ఆత్రుతని రేకెత్తించాయి. మరి చిత్రం ఎలా ఉందో తెలుసుకునే ముందు కథేమిటో చూద్దాం పదండి..
కథేంటంటే: గొత్తి సత్యనారాయణ అలియాస్ జి.ఎస్.ఎన్ (అవసరాల శ్రీనివాస్) ఓ రియల్ ఎస్టేట్ కంపెనీలో పనిచేస్తుంటాడు. వంశ పారంపర్యంగా వచ్చిన బట్టతలతో సతమతమవుతూ ఉంటాడు. జుట్టు లేని తన తలని బయటికి చూపించడానికి ఇబ్బంది పడుతూ.. విగ్గు, టోపీ పెట్టుకుని మేనేజ్ చేస్తూ ఉంటాడు. జి.ఎస్.ఎన్ పనిచేస్తున్న చోటే ఉద్యోగంలో చేరుతుంది అంజలి (రుహానిశర్మ). కొన్నాళ్లకి ఇద్దరి మధ్య మాటలు కలుస్తాయి. ఆ తర్వాత వాళ్ల మనసులూ కలుస్తాయి. అయినా జి.ఎస్.ఎన్. తన బట్టతల గురించి చెప్పడు. ఒక సందర్భంలో బట్టతల రహస్యం అంజలికి తెలుస్తుంది. మరి ఆ తర్వాత ఏం జరిగింది?ఆ ఇద్దరి ప్రేమకథ కంచికి చేరిందా లేదా? అనేది మిగతా కథ.
ఎలా ఉందంటే: ‘చాలా మంది కథ. చాలా మంచి కథ’ అంటూ ప్రచారం చేసింది చిత్రబృందం. నిజంగానే ఇది చాలా మంది కథ. ఈ కథతో చెప్పిన మంచి కూడా చాలా ఉంది. కానీ, ఆ కథని చెప్పిన విధానంలోనే కొత్తదనం ఏమీ కనిపించలేదు. తాను అందంగా లేనని భావించే కొద్దిమంది వ్యక్తుల్లో అభద్రతాభావం, ఆత్మన్యూనత భావం ఎలా ఉంటుందనే విషయాన్ని చర్చించిన విధానం.. బయట వ్యక్తులకి కాకుండా ముందు మనకు మనం నచ్చితే అప్పుడు అందగాడు, ఆనందగాడు అవుతామనే విషయాన్ని చెప్పిన తీరు బాగుంది. అయితే కథానాయకుడితోనూ, అతని సమస్యతోనూ కనెక్ట్ అయ్యేంత సంఘర్షణ కానీ, భావోద్వేగాలు కానీ ఈ స్క్రిప్టులో పండకపోవడం మైనస్గా మారింది. హాస్యం విషయంలో తీసుకున్న శ్రద్ధ మాత్రం ఉపశమనాన్నిస్తుంది. కథలో పెద్దగా డ్రామా పండకపోయినా, సందర్భానుసారం మాటలతో మేజిక్ చేస్తూ, నవ్విస్తూ సన్నివేశాల్ని అల్లిన తీరు మెప్పిస్తుంది. కథానాయికకి తెలుగు రాదంటూ హీరో, అతని ఫ్రెండ్ మాటల్ని పాట రూపంలో చెప్పుకోవడం మొదలుకొని చిన్ననాటి ఫ్రెండ్ సత్తిపండు చేసే సందడి వరకు చాలా సన్నివేశాలు నవ్విస్తాయి. విరామ సన్నివేశాలు ఆసక్తిని రేకెత్తిస్తాయి. ద్వితీయార్ధంలో కథ, కథనాలు ముందుకు సాగకపోయినా నాయకానాయికల తల్లిదండ్రుల పాత్రలు.. ఆ నేపథ్యంలో పండే డ్రామా, భావోద్వేగాలు ఆకట్టుకుంటాయి. పతాక సన్నివేశాలు ఊహకు తగ్గట్టే సాగుతాయి.
ఎవరెలా చేశారంటే: నాయకానాయికల పాత్రలు సినిమాకి కీలకం. అవసరాల శ్రీనివాస్.. గొత్తి సత్యనారాయణ పాత్రలో ఒదిగిపోయారు. అభద్రతాభావంతో సతమతమయ్యే యువకుడిగా చక్కటి అభినయం ప్రదర్శించారు. పాత్ర కోసం ఆయన చాలా శ్రద్ధ తీసుకున్నారన్న విషయం అడుగడుగునా కనిపిస్తుంది. కథానాయిక రుహానీ అభినయం కూడా మెప్పిస్తుంది. ఆమె పాత్రలో లీనమై సహజంగా నటించింది. రోహిణి పాత్ర పరిధి తక్కువే అయినా ఆమె పాత్రతో కొన్ని భావోద్వేగాలు పండాయి. సాంకేతికంగా సినిమా ఉన్నతంగా ఉంది. శక్తికాంత్ కార్తీక్ సంగీతం ఆకట్టుకుంటుంది. రామ్ కెమెరా పనితనం, కిరణ్ గంటి కూర్పు విభాగాలు చక్కటి పనితీరుని కనబరిచాయి. అవసరాల శ్రీనివాస్ నటుడిగానే కాకుండా.. రచయితగా కూడా తనదైన ప్రభావం చూపించారు. ఆయన కథ, మాటలు సినిమాపై ప్రభావం చూపించాయి. దర్శకుడు విద్యాసాగర్ కథని చాలా ఫ్లాట్గా ముందుకు నడిపించారు. కథనం, భావోద్వేగాల పరంగా ఆయన పెద్దగా ప్రభావం చూపించలేకపోయారు.
బలాలు
+ అవసరాల... రుహానీ
+ హాస్యం
+ ప్రథమార్ధం
బలహీనతలు
- భావోద్వేగాలు
- కథనం
చివరిగా: ఈ అందగాడు అక్కడక్కడా నవ్విస్తాడు.
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..