Nithiin: ‘బేబీ ఓ బేబీ’.. ‘మ్యాస్ట్రో’ ప్రోమో చూశారా!

ఇంట‌ర్నెట్ డెస్క్‌: నితిన్ క‌థానాయ‌కుడిగా ద‌ర్శ‌కుడు మేర్ల‌పాక గాంధీ తెర‌కెక్కిస్తోన్న చిత్రం ‘మ్యాస్ట్రో’. న‌భా న‌టేశ్ క‌థానాయిక‌. ఈ సినిమాలోని తొలిగీతానికి సంబంధించిన ప్రోమో వీడియోను గురువారం విడుదల చేసింది చిత్ర బృందం. ‘బేబీ ఓ బేబీ’ అంటూ సాగే ఈ పాటని శ్రీజో రచించగా అనురాగ్‌ కులకర్ణి ఆలపించారు. మహతి స్వరసాగర్‌ స్వరాలు సమకూర్చారు. ఫుల్‌ వీడియోను (లిరికల్‌) జులై 16 విడుదల చేస్తున్నట్టు చిత్రబృందం తెలిపింది. హిందీలో విజయం అందుకున్న ‘అందాధున్’ రీమేక్‌గా రూపొందుతోన్న ఈ సినిమాలో తమన్నా కీలక పాత్ర పోషించింది. ఈ చిత్రాన్ని శ్రేష్ఠ్ మూవీస్‌ పతాకంపై ఎన్‌.సుధాకర్ రెడ్డి, నిఖితా రెడ్డి నిర్మించారు. ఇటీవల చిత్రీకరణ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది. ఈ సినిమాకి ఛాయాగ్ర‌హ‌ణం: జె.యువ‌రాజ్‌, కూర్పు: ఎస్‌.ఆర్‌. శేఖ‌ర్‌, క‌ళ‌: సాహి సురేశ్‌.