Backdoor: ‘బ్యాక్‌డోర్‌’లో ఏం జరిగింది?

పూర్ణ ప్రధాన పాత్రలో కర్రి బాలాజీ తెరకెక్కించిన చిత్రం ‘బ్యాక్‌ డోర్‌’. బి.శ్రీనివాస్‌ రెడ్డి నిర్మాత. తేజ త్రిపురాన కథానాయకుడు. ఈ సినిమా ఈనెల 25న ప్రేక్షకుల ముందుకొస్తోంది. ఈ నేపథ్యంలోనే ఇటీవల హైదరాబాద్‌లో విడుదల ముందస్తు వేడుక నిర్వహించారు. ఈ కార్యక్రమానికి నటి జీవితా రాజశేఖర్‌, అడిషనల్‌ ఎస్పీ కె.జి.వి.సరిత ముఖ్య అతిథులుగా హాజరయ్యారు. ఈ సందర్భంగా నటి పూర్ణ మాట్లాడుతూ ‘‘కొత్తదనం నిండిన ఓ ఆసక్తికర కథాంశంతో ఈ చిత్రం రూపొందింది. నాకిలాంటి మంచి సినిమా ఇచ్చినందుకు దర్శకుడు బాలాజీకి కృతజ్ఞతలు’’ అంది. ‘‘సినిమా బాగా వచ్చింది. పూర్ణ కెరీర్‌లో ఈ ‘బ్యాక్‌డోర్‌’ ఓ మైలురాయిలా నిలిచిపోతుంది’’ అన్నారు దర్శకుడు. ఈ కార్యక్రమంలో నిర్మాత చదలవాడ శ్రీనివాసరావు, టి.రామసత్యనారాయణ, డి.ఎస్‌.రావు తదితరులు పాల్గొన్నారు. ఈ చిత్రానికి సంగీతం: ప్రణవ్‌, ఛాయాగ్రహణం: శ్రీకాంత్‌ నారోజ్‌.