Bangarraju: నాగార్జున- చైతన్య.. సోగ్గాళ్ల సందడి షురూ

ఇంటర్నెట్‌ డెస్క్‌: నాగార్జున, నాగ చైతన్య కలిసి నటిస్తోన్న చిత్రం ‘బంగార్రాజు’. కల్యాణ్‌ కృష్ణ కురసాల దర్శకుడు. రమ్యకృష్ణ, కృతి శెట్టి కథానాయికలు. బుధవారం నుంచి రెగ్యులర్‌ చిత్రీకరణ ప్రారంభినట్టు చిత్ర బృందం సామాజిక మాధ్యమాల వేదికగా తెలిపింది. ‘సోగ్గాళ్ల షూటింగ్‌ బిగిన్స్‌’ అంటూ ఓ పోస్టర్‌ని విడుదల చేసింది. ఇందులో రెండు బుల్లెట్‌లు దర్శనమిచ్చాయి. పంటపొలాలు, తోరణాలతో రూపొందించిన ఈ పోస్టర్‌ పండగ వాతావరణాన్ని తీసుకొచ్చింది. 2016 సంక్రాంతికి విడుదలై, ఘన విజయం అందుకున్న ‘సోగ్గాడే చిన్నినాయన’ చిత్రానికి ప్రీక్వెల్‌గా ‘బంగార్రాజు’ రూపొందుతోంది. జీ స్టూడియోస్‌ సంస్థ నిర్మిస్తోన్న ఈ చిత్రానికి అనూప్‌ రూబెన్స్‌ సంగీతం అందిస్తున్నారు. ఈ సినిమాతోపాటు ప్రవీణ్‌ సత్తారు దర్శకత్వంలోనూ నాగార్జున నటిస్తున్నారు. శేఖర్‌ కమ్ముల దర్శకత్వంలో నాగ చైతన్య నటించిన ‘లవ్‌స్టోరి’ సెప్టెంబరు 10న ప్రేక్షకుల ముందుకు రానుంది.