Bangarraju: ‘బంగార్రాజు’ విడుదల ఖరారు.. ఏ రోజంటే?

హైదరాబాద్‌: అక్కినేని నాగార్జు, నాగ చైతన్య కలిసి నటించిన ‘బంగార్రాజు’ సినిమా విడుదల తేదీ ఖరారైంది. జనవరి 14న ఈ సినిమాని ప్రేక్షకుల ముందుకు తీసుకొస్తున్నట్టు చిత్ర బృందం తాజాగా ప్రకటించింది. ఈ సినిమాను సంక్రాంతికే తీసుకొస్తామని చిత్ర బృందం ఎప్పటి నుంచో చెప్తున్నా విడుదల తేదీని ఖరారు చేయకపోవడంతో రకరకాల ఊహాగానాలు వినిపించాయి. ఈ నేపథ్యంలో చిత్ర బృందం ప్రెస్‌మీట్‌ నిర్వహించి విడుదల తేదీని ప్రకటించింది. ‘బంగారా’ అనే గీతానికి సంబంధించిన ప్రోమోను విడుదల చేసింది.

గతంలో వచ్చిన ‘సోగ్గాడే చిన్నినాయనా’ చిత్రానికి ప్రీక్వెల్‌గా ‘బంగార్రాజు’ రూపొందింది. కల్యాణ్‌కృష్ణ దర్శకుడు. రమ్యకృష్ణ, కృతిశెట్టి కథానాయికలు. నాగార్జున, నాగ చైతన్య కలిసి నటించటం, ‘సోగ్గాడే..’కి ప్రీక్వెల్‌ కావటంతో ‘బంగార్రాజు’ చిత్రంపై ప్రేక్షకుల్లో అంచనాలు పెరుగుతున్నాయి. మరోవైపు, ఇదే రోజున విడుదలకానున్న ప్రభాస్‌ ‘రాధేశ్యామ్‌’ సినిమా వాయిదా పడిన సంగతి తెలిసిందే.

► Read latest Cinema News and Telugu News