bigg boss 5: షణ్ముఖ్‌ ఎందుకు ఏడ్చాడు.. ఎలిమినేషన్‌ అలా డిసైడ్‌ అయింది!

హైదరాబాద్‌: ఈ వారం బిగ్‌బాస్‌ హౌస్‌లో 10మంది నామినేషన్స్‌లో ఉన్న సంగతి తెలిసిందే. వీరిలో లోబో ఎలిమినేషన్‌ అంటూ సీక్రెట్‌ రూమ్‌కు పంపారు. ఇక మిగిలిన 9మందిలో ఎలిమినేషన్‌ కత్తి నుంచి తప్పించుకుంది ఎవరు? బలైంది ఎవరు? ఉదయం నుంచి సామాజిక మాధ్యమాల వేదికగా ఇదే చర్చ. ఈ వారం ఎలిమినేట్‌ అయిన కంటెస్టెంట్‌ శ్వేతవర్మ అంటూ వార్త చక్కర్లు కొడుతోంది. మరోవైపు గతవారం ‘బీబీ బొమ్మల ఫ్యాక్టరీ’లో తయారు చేసిన బొమ్మలే ఈ వారం హౌస్‌మేట్స్‌ భవితవ్యాన్ని తేల్చనున్నాయి. నాగార్జున కూడా అదే విషయం చెప్పారు. నామినేషన్స్‌లో ఉన్న 9మందికి బొమ్మలు ఇచ్చారు. ఎవరి ఫొటో అయితే బొమ్మలో ఉంటుందో వారు ఎలిమినేట్‌ అవుతారని చెప్పారు. మరి ఈ వారం ఎవరు ఎలిమినేట్‌ అయ్యారో తెలియాలంటే ఇంకొంత సేపు వేచి చూడాల్సిందే. అయితే, షణ్ముఖ్‌ మాత్రం బాధపడుతూ కనిపించాడు. మరి సోషల్ మీడియాలో వినిపిస్తున్న శ్వేతవర్మ ఎలిమినేట్‌ అయిందా? లేక బిగ్‌బాస్‌ ఏమైనా ఊహించని ట్విస్ట్‌ ఇచ్చాడా? తెలియాల్సి ఉంది.