Bigg Boss 5: మీద చేయెత్తకు అది పద్ధతి కాదు.. నువ్వు నాకు పద్ధతి నేర్పేవాడివా?

ఇంటర్నెట్‌ డెస్క్‌: ‘బిగ్‌బాస్‌’ హౌస్‌మేట్స్‌ మధ్య మాటల యుద్ధం జరిగింది. ఒకరిపై ఒకరు కోపాన్ని ప్రదర్శించడంతో హౌస్‌లో ఉత్కంఠ వాతావరణం నెలకొంది. ఈ రోజు ప్రసారంకానున్న ఈ ఎపిసోడ్‌కి సంబంధించిన ప్రోమో తాజాగా విడుదలైంది. తమకి నచ్చని (దోషిని) వారిని జైలుకి పంపమని బిగ్‌బాస్‌ ఇంటి సభ్యుల్ని ఆదేశించాడు. ఈ క్రమంలోనే కొందరు దోషులుగా నిలబడ్డారు. విశ్వ-షణ్ముఖ్‌, శ్రీ రామచంద్ర- జశ్వంత్‌, కాజల్‌- రవి ఒకరిపై ఒకరు తీవ్ర ఆరోపణలు చేసుకున్నారు. కాజల్‌పై ఉన్న కోపాన్ని మాటల్లో చెప్పకుండా అనీ మాస్టర్‌ చేతల్లో చూపించింది. కాజల్‌ ముఖంపై పోయాల్సిన నీళ్లని తన ముఖంపైనే పోసుకుని అందరినీ ఆశ్చర్యానికి గురిచేసింది. ఎందుకలా చేసింది? వీరిలో వరెస్ట్‌ పెర్ఫార్మర్‌ ఎవరు? తెలియాలంటే కొన్ని గంటలు ఆగాల్సిందే.