Rowdy Boys: ‘రౌడీ బాయ్స్‌’ బృందావనం సాంగ్‌.. అనుపమ డ్యాన్స్‌ అదుర్స్‌!

ఇంటర్నెట్‌ డెస్క్‌: ఆశిష్‌, అనుపమ పరమేశ్వరన్‌ జంటగా నటించిన చిత్రం ‘రౌడీ బాయ్స్‌’. ఈ సినిమా సంక్రాంతి కానుకగా విడుదలకానుంది. ఈ నేపథ్యంలో ‘బృందావనం నుంచి కృష్ణుడు వచ్చాడే’ అనే గీతాన్ని చిత్ర బృందం సోమవారం విడుదల చేసింది. ఈ వీడియోలో.. అనుపమ పరమేశ్వరన్‌ డ్యాన్స్‌ అందరినీ ఆకట్టుకునేలా ఉంది. ఆమె హావభావాలు కుర్రకారుని కట్టిపడేసేలా ఉన్నాయి. సుద్దాల అశోక్‌తేజ రచించిన ఈ పాటను మంగ్లీ ఆలపించారు. దేవిశ్రీ ప్రసాద్‌ స్వరాలు సమకూర్చారు. ఈ చిత్రానికి శ్రీ హర్ష కొనుగంటి దర్శకత్వం వహించారు. దిల్‌రాజు, శిరీష్‌ నిర్మాతలు. కాలేజీ నేపథ్యంలో సాగే ఈ చిత్రంలో కార్తిక్‌ రత్నం, తేజ కూరపాటి, కోమలి ప్రసాద్‌ తదితరులు కీలక పాత్రలు పోషించారు. ఈ సినిమా విడుదల తేదీ త్వరలోనే ఖరారుకానుంది. 

► Read latest Cinema News and Telugu News