Samantha: ఉపాసన చెల్లి పెళ్లిలో సమంత సందడి

హైదరాబాద్‌: మెగా పవర్‌స్టార్‌ రామ్‌చరణ్‌ సతీమణి ఉపాసన సోదరి అనుష్పాల కామినేని వివాహం ఘనంగా జరిగింది. సుమారు ఐదురోజులపాటు జరిగిన ఈ పెళ్లి వేడుకలకు కామినేని కుటుంబానికి చెందిన దోమకొండ కోట వేదికైంది. కుటుంబసభ్యులు, అత్యంత సన్నిహితుల సమక్షంలో అంగరంగ వైభవంగా జరిగిన ఈ పెళ్లి వేడుకల్లో పలువురు సెలబ్రిటీలు సందడి చేశారు. బుధవారం పెళ్లి జరగ్గా .. గురువారం రాత్రి విందు నిర్వహించారు. ఈ కార్యక్రమంలో సమంత, శ్రియ, శిల్పారెడ్డితోపాటు సానియా మీర్జా తదితరులు సందడి చేశారు. ఉపాసన-రామ్‌చరణ్‌లతో కలిసి ఫొటోలకు పోజులిచ్చారు. దీనికి సంబంధించిన ఫొటోలను సమంత ఇన్‌స్టా వేదికగా షేర్‌ చేస్తూ.. తన జీవితంలో ఎంతో ముఖ్యమైన స్నేహితులతో సాయంత్రం సరదాగా గడిచిందని ఆమె పేర్కొన్నారు.