Updated : 28 Oct 2021 17:43 IST

Romantic: ‘రొమాంటిక్‌’ ప్రీమియర్‌.. స్టార్‌ సెలబ్రిటీల సందడి

వైరల్‌గా మారిన ఫొటోలు

హైదరాబాద్‌: కథానాయకుడిగా తనకంటూ ఓ గుర్తింపు తెచ్చుకునేందుకు ప్రయత్నిస్తున్నారు నటుడు ఆకాశ్‌ పూరీ (Akash puri). ప్రముఖ దర్శకుడు పూరీ జగన్నాథ్‌ తనయుడిగా ఇండస్ట్రీలోకి అడుగుపెట్టిన ఆయన హీరోగా విజయం సాధించేందుకు ఎదురుచూస్తున్నారు. ఈ క్రమంలో ఆయన కథానాయకుడిగా నటించిన సరికొత్త చిత్రం ‘రొమాంటిక్‌’ (Romantic). అనిల్‌ పాడూరి దర్శకత్వంవహించిన ఈ సినిమాలో వాస్కోడిగామా అనే యువకుడిగా ఆకాశ్‌ మాస్‌ పాత్రలో నటించారు. కేతికాశర్మ(Kethika Shrama) కథానాయిక. అక్టోబర్‌ 29న ఈ చిత్రం ప్రేక్షకుల ముందుకు రానుంది. ఈ నేపథ్యంలో టాలీవుడ్‌కు చెందిన స్టార్‌ సెలబ్రిటీల కోసం బుధవారం సాయంత్రం హైదరాబాద్‌లోని ఓ ప్రముఖ మాల్‌లో రొమాంటిక్‌ సినిమా ప్రీమియర్‌ షో ఏర్పాటు చేశారు.

దర్శకధీరుడు రాజమౌళి దంపతులు, అనిల్‌ రావిపూడి, గోపీచంద్‌ మలినేని, మెహర్‌రమేశ్‌, బాబీ, బొమ్మరిల్లు భాస్కర్‌, మోహన్‌కృష్ణ ఇంద్రగంటి, గుణశేఖర్‌, అలీ, సత్యదేవ్‌, విశ్వక్‌ సేన్‌, ఆనంద్‌ దేవరకొండతోపాటు పలువురు సినీ తారలు ఈ ప్రీమియర్‌ షోని వీక్షించారు. అనంతరం వారు మీడియాతో మాట్లాడుతూ.. ‘రొమాంటిక్‌’ సినిమా చాలా బాగుందని.. హీరోగా ఆకాశ్‌ తప్పకుండా విజయం సాధిస్తాడని తెలిపారు. ఈ ప్రీమియర్‌ షోకు సంబంధించిన కొన్ని ఫొటోలు ప్రస్తుతం నెట్టింట్లో వైరల్‌గా మారాయి.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని