Cinema News: మీరూ.. స్టార్లై మెరవండి
సినిమా.. ఎంతో మంది యువత కల. కళల ప్రపంచం. ఎన్నో ఆశలు... ప్రయత్నాలు... సుదీర్ఘ నిరీక్షణ... ఇలా దాన్ని చేరుకోడానికి ముందుగా మనలో ఏదో ఒక ప్రతిభ ఉండాలి. మెరుగులద్దుకోవాలి. మెళకువలు నేర్చుకోవాలి. మరి ఇవన్ని ఎక్కడ, ఎలా
సినిమా.. ఎంతో మంది యువత కల. కళల ప్రపంచం. ఎన్నో ఆశలు... ప్రయత్నాలు... సుదీర్ఘ నిరీక్షణ... ఇలా దాన్ని చేరుకోడానికి ముందుగా మనలో ఏదో ఒక ప్రతిభ ఉండాలి. మెరుగులద్దుకోవాలి. మెళకువలు నేర్చుకోవాలి. మరి ఇవన్ని ఎక్కడ, ఎలా నేర్చుకోవాలి? అనేది పెద్ద ప్రశ్న. మారిన కాలం.. అందివచ్చిన సాంకేతికత... మిమ్మల్ని ఆ దిశగా నడిచేందుకు ఉపకరిస్తుందనడంలో అతిశయోక్తి లేదు. ఒక నిమిషం నిడివున్న రీల్స్ నుంచి.. 5, 10 నిమిషాల షార్ట్ ఫిల్మ్స్ దాకా... మిమ్మల్ని మీరు ఆవిష్కరించుకోవడానికి వేదికలవుతున్నాయి. యూట్యూబ్ ప్రపంచం మీలోని టాలెంట్ను నలుగురికి చూపించి... పదిమంది ప్రశంసలందించి... ఒక్క వెండితెర అవకాశాన్ని అందిస్తుంది. మరి వీటినైనా సృజనాత్మకంగా తీయడానికి మీకు కావాల్సింది కాస్త ఓపిక. శ్రమ. వీటితోపాటు నిపుణుల ఆన్లైన్ పాఠాలు, శిక్షణ సంస్థలు ఉండనే ఉన్నాయి. కొత్త ఏడాదిలో వీటిని ఉపయోగించుకొని మీరూ వెండితెరపై స్టార్లైపోండి.
అవకాశాలు అందరివి
- నాని, ప్రముఖ కథానాయకుడు
‘‘చదువుకునేటప్పుడు పాఠ్య పుస్తకాల్లో అందరికీ ఒకే సిలబస్ ఉంటుందేమో కానీ... జీవితంలో అలా ఉండదు. ఒకొక్కరిది ఒక్కో రకమైన సిలబస్. ఎవరి శైలిలో వాళ్లు ప్రయత్నాలు చేసి అనుకున్నది సాధిస్తుంటారు. నావరకు నేను చెప్పేది ఒక్కటే. ఏం చేసినా... మనసుకు నచ్చిందే చేయండి. ఇష్టమైన పనినే మనం వంద శాతం మనసు పెట్టి చేస్తాం. ఆరంభంలో ఇబ్బందిగా ఉండొచ్చు కానీ, ఆ పని చేస్తే మీరు అనుకున్న స్థానానికి వెళతారు. సినీ పరిశ్రమలోనే కాదు.. ఏ రంగంలోనైనా ఎదగడానికి అవకాశాలు అందరికీ ఉన్నాయి. మనం ఎంత చిత్తశుద్ధితో కష్టపడుతున్నామనేదే కీలకం. దర్శకత్వం చేయాలని చిత్ర పరిశ్రమలోకి అడుగుపెట్టా. సహాయ దర్శకుడిగా పనిచేశా. కొన్నాళ్లు రేడియో జాకీగా చేశా. అనుకోకుండా నటుడినయ్యా. అయితే నేను నటుడిని కాక ముందే... నాకు తెలియకుండానే నటుడికి కావల్సిన శిక్షణనంతా పూర్తి చేసినట్టు అనిపించింది. స్పష్టంగా మాట్లాడటమనేది రేడియో జాకీగా పనిచేయడంతో వచ్చింది. సహాయ దర్శకుడిగా పనిచేయడం వల్ల బెరుకు లేకుండా కెమెరా ముందుకెళ్లా. శిక్షణ తీసుకుంటారా? లేక ఏకలవ్య శిష్యుల్లాగా ఎవరినైనా స్ఫూర్తి పొంది నేర్చుకుంటారా? అనేది వేరే సంగతి. నటుడు కావాలనేదే మీ లక్ష్యం అయితే దానికోసం ఎంత తపనతో ప్రయత్నాలు చేస్తున్నారనేది కీలకం’’.
ఒకే కథ పట్టుకుని వేలాడకండి
- దర్శకుడు ప్రశాంత్ వర్మ
‘‘ఎంత ప్రతిభ ఉన్నా సరే.. నాకంతా వచ్చేసిందనైతే ఎప్పుడూ అనుకోవద్దు. నేను దర్శకుడిగా ప్రయత్నిస్తున్న తొలి రోజుల నుంచి ఇప్పటి వరకు నమ్మే సూత్రం ఒకటే.. ప్రతిరోజూ కొత్తగా నేర్చుకుంటూ నిత్య విద్యార్థిలా ఉండాలి. ప్రపంచంలో ఇప్పటి వరకు ఎన్నో గొప్ప చిత్రాలొచ్చాయి. వాటన్నింటినీ చూసే ప్రయత్నం చేయండి. నిజ జీవితంలో నుంచి వచ్చే కథల్ని బయటకు తీసే ప్రయత్నం చేయండి. అలాంటి కథలు చాలా ఫ్రెష్గా.. ప్రభావవంతంగా ఉంటాయి. మీకు వంద కోట్ల మార్కెట్ ఉందనిపిస్తే.. ఆస్థాయికి తగ్గ చిత్రం చేయండి. ఒకవేళ ఆస్థాయి కథకు తగ్గ హీరో, నిర్మాత దొరకట్లేదంటే.. దాన్ని పక్కకు పెట్టి కోటి రూపాయల్లో తీయదగ్గ కథ రాసుకోండి. ఒకే స్క్రిప్ట్ పట్టుకుని ఎదురు చూడకండి. నేను ‘అ!’ చిత్రం అలాగే చేశా. నిజానికి నా దగ్గర అప్పటికే ఓ ముప్పై కథలున్నాయి. కానీ, అప్పటికి నేను కొత్తవాణ్ని కాబట్టి ఆ కథలకు తగ్గ బడ్జెట్లు పెట్టే నిర్మాతలు దొరికేవారు కాదు. దీంతో చిన్న బడ్జెట్లో పూర్తయ్యేలా ‘అ!’ కథ రాసుకున్నా. ఎంత ప్రయత్నిస్తున్నా.. దర్శకుడు కాలేకపోతున్నారంటే దానికి కారణం మీరే. ఆ లోపమేంటో తెలుసుకుని సరిదిద్దుకునే ప్రయత్నం చేయండి’’.
అందుబాటులో ఎన్నో వేదికలు
చిత్రసీమలో రాణించడానికి ఫిల్మ్ స్కూల్ వేదికలుగా ఉపయోగపడుతున్నాయి. హైదరాబాద్లో అన్నపూర్ణ కాలేజ్ ఆఫ్ ఫిల్మ్ అండ్ మీడియా, రామానాయుడు ఫిల్మ్ స్కూల్, దాదా సాహెబ్ ఫాల్కే స్కూల్ ఆఫ్ ఫిల్మ్ స్టడీస్ వంటివి ఉన్నాయి. దేశంలో ఫిల్మ్ అండ్ టెలివిజన్ ఇన్స్టిట్యూట్ ఆఫ్ ఇండియా (పుణె), ఎల్వీ ప్రసాద్ ఫిల్మ్ అండ్ టీవీ అకాడమీ (చెన్నై), ఏసియన్ అకాడమీ ఆఫ్ ఫిల్మ్ అండ్ టెలివిజన్ (నోయిడా), సత్యజిత్ రే ఫిల్మ్ అండ్ టెలివిజన్ ఇన్స్టిట్యూట్ (కోల్కతా) తదితర శిక్షణ సంస్థలు అందుబాటులో ఉన్నాయి. ఇవేకాక ప్రస్తుతం చిత్ర పరిశ్రమలో ఉన్న సీనియర్ దర్శకులు, రచయితలు సామాజిక మాధ్యమాల వేదికగా ఔత్సాహికులకు సినీ పాఠాలు బోధిస్తున్నారు. దర్శకుడు రాఘవేంద్రరావు తన సినీ అనుభవాల్ని.. దర్శకత్వ మెళకువల్ని ‘సౌందర్య లహరి’ కార్యక్రమం ద్వారా ప్రేక్షకులతో పంచుకున్న సంగతి తెలిసిందే. ఈటీవీ రూపొందించిన ఈ భాగాలు యూట్యూబ్లో ఉన్నాయి. దర్శకేంద్రుడు ‘కేఆర్ఆర్ క్లాసస్’ పేరుతో యూట్యూబ్లో ప్రత్యేకంగా స్క్రీన్ప్లే పాఠాలు చెబుతున్నారు. ఇవికాక... హాలీవుడ్ నుంచి ఆన్లైన్లో చాలా కోర్సులు నడుస్తున్నాయి.
లక్ష్య సాధనలో.. ఓర్పు అవసరం
- దర్శకుడు సంకల్ప్ రెడ్డి
‘‘నేను ఆస్ట్రేలియాలో ఫిల్మ్ మేకింగ్లో మాస్టర్స్ పూర్తి చేశా. నిజానికి అప్పుడు నేను ఎంబీఏ చేయాలి. సినిమాలపై ఆసక్తితో ఇంట్లో వాళ్లకు తెలియకుండా ఫిల్మ్ మేకింగ్ కోర్స్ పూర్తి చేశా. 2009లో హైదరాబాద్కు తిరిగొచ్చాక.. అసలు విషయం చెప్పా. అందరూ షాకయ్యారు. తర్వాత నేనే మెల్లగా వాళ్లను కన్విన్స్ చేశా. ఇక్కడికి వచ్చాకే తెలిసింది.. ఇండస్ట్రీలోకి అడుగు పెట్టడం ఎంత కష్టమో. నాకెప్పుడూ భిన్నమైన చిత్రం తీయాలని కోరిక ఉండేది. దాన్ని ‘ఘాజీ’ రూపంలో కార్యరూపంలోకి తీసుకురావడానికి ఐదేళ్లు పట్టింది. వాస్తవానికి నేను దీన్ని ఒక గంటన్నర నిడివి ఉండే సినిమాగా తీద్దామనుకున్నా. అన్నీ కలిసొస్తే వెండితెరపై లేదంటే యూట్యూబ్లో విడుదల చేద్దామనుకున్నా. రూ.25లక్షల సొంత ఖర్చుతో ఓ సబ్మెరైన్ సెట్ వేసుకొని చిత్రీకరణ ప్రారంభించా. కానీ, ఆ డబ్బులు ఏ మూలకీ సరిపోలేదు. దీంతో లాభం లేదనుకుని నిర్మాతల చుట్టూ తిరగడం మొదలు పెట్టా. సబ్మెరైన్ నేపథ్యంలో సాగే కథనేసరికి చాలా మంది ఆసక్తి చూపించలేదు. ఆఖరికి నా ప్రయత్నాలు ఫలించి మ్యాట్నీ సినిమా సంస్థ నిరంజన్ గారికి కథ నచ్చడం.. ఆయన ద్వారా హీరో రానా కథలోకి రావడంతో నా కష్టాలు తీరిపోయాయి. దాంతో నా యూట్యూబ్ స్టోరీ కాస్తా వెండితెరపైకి వెళ్లింది. 2016లో చిత్రీకరణ ప్రారంభించి.. 60రోజుల్లోనే హిందీ, తెలుగు భాషల్లో సినిమాని పూర్తి చేశా. ఇది 2017లో విడుదలై ఘన విజయాన్ని అందుకోవడంతో పాటు తొలి ప్రయత్నంలోనే నాకు జాతీయ అవార్డును అందించింది. ఇండస్ట్రీలోకి రావాలనుకునే వారికి నేను చెప్పేది ఒక్కటే. ఇక్కడ నిలబడాలంటే ప్రతిభతో పాటు చాలా సహనం, ఓర్పు కావాలి’’.
అవకాశం రాలేదని ఆగిపోకూడదు
- కార్తీక్ ఘట్టమనేని, ఛాయాగ్రాహకుడు, దర్శకుడు
‘‘చిన్నప్పటి నుంచీ విజువల్స్ నన్ను బాగా కదిలించేవి. ఫొటో, పెయింటింగ్, వీడియో... ఆసక్తిగా అనిపించిందంటే దానిపై దృష్టి మళ్లేది. వాటి వెనక నాకంటూ ఓ ప్రత్యేకమైన కథ కనిపించేది. ఓ బొమ్మతో కథ చెప్పొచ్చనే విషయం అప్పుడే నాకు అర్థమైంది. అలా చెప్పాలనే ఆ ఆసక్తే నన్ను ఛాయాగ్రాహకుడిని చేసిందేమో! నాకున్న ఆసక్తితో ఇంజినీరింగ్ చదివేటప్పుడు కొన్ని లఘు చిత్రాలు చేశా. వాటికి పురస్కారాలొచ్చాయి. ఇంజినీరింగ్ తర్వాత ఉద్యోగం చేయాలనే ఆలోచనని పక్కనపెట్టి నా అభిరుచిని, నా ఆసక్తిని ఇంట్లోవాళ్లకి చెప్పి చెన్నైలోని మైండ్ స్క్రీన్ అనే ఫిల్మ్ ఇన్స్టిట్యూట్లో చేరా. ఒక ఏడాది ఫిల్మ్ ఇన్స్టిట్యూట్కి వెళితే వచ్చేది కాదు సినిమాటోగ్రఫీ. ప్రముఖ ఛాయగ్రాహకుడు అశోక్ మెహతా ఎక్కడా చదువుకోలేదు. ఓ కథని, ఓ దృశ్యాన్ని సృజనాత్మకంగా చూసే కోణం స్వాభావికంగా మనలో ఉండాలి. కాకపోతే ఎప్పటికప్పుడు మారుతున్న సాంకేతికతని అర్థం చేసుకోవడానికి చదువుకోవడం కొంచెం ఉపయోగపడుతుంది. సినిమాటోగ్రఫీ చదువుకోవడానికి ఎఫ్.టి.ఐ పుణె మొదలుకొని.. కోల్కతాలోని సత్యజిత్ రే, చెన్నైలో ఎల్వీ ప్రసాద్, మైండ్ స్క్రీన్ వరకు చాలా ఇన్స్టిట్యూట్లు ఉన్నాయి. హైదరాబాద్లోనూ కొన్ని ఉన్నాయి. ఎఫ్.టి.ఐ పుణెలో పోస్ట్ గ్రాడ్యుయేషన్ కోర్స్ చెబుతున్నారు. అది నాలుగేళ్లు పడుతుంది. ఇక్కడ పోటీ ఎక్కువగా ఉంటుంది. నేను ఇన్స్టిట్యూట్ నుంచి బయటికొచ్చాక ‘ఇన్ఫినిటీ’ అనే ఓ లఘు చిత్రాన్ని తీశా. అది చూసి బాలీవుడ్ నటుడు, దర్శకుడు ఫర్హాన్ అక్తర్ ట్వీట్ చేశారు. అదే సమయంలో చందు మొండేటి, పవన్ సాధినేని నాకు పరిచయం కావడం, వాళ్లు అవకాశాలు ఇవ్వడంతో ‘కార్తికేయ’, ‘ప్రేమ ఇష్క్ కాదల్’ సినిమాల్ని సమాంతరంగా చేశా. ‘సూర్య వర్సెస్ సూర్య’ చిత్రానికి దర్శకత్వమూ చేశా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు..
తాజా వార్తలు (Latest News)
-
ధోనీని అంత కోపంగా నేనెప్పుడూ చూడలేదు: సురేశ్ రైనా
-
నిర్మాతల నుంచి పవన్కల్యాణ్ తీసుకున్న అప్పు ఎంతో తెలుసా?
-
దీదీకి ఆ ధైర్యం లేదు: అమిత్ షా
-
ఆడిషన్ అంటూ పది మందిని ముద్దు పెట్టుకోమన్నారు: స్టార్ హీరోయిన్
-
గుంపులో స్మార్ట్ఫోన్లు కొట్టేస్తే.. చిన్న ట్రిక్తో పట్టేశాడు..!
-
ఈనాడు.నెట్లో టాప్ 10 వార్తలు @ 5 PM