Modi: మోదీ.. మీరు మరెన్నో విజయాలు అందుకోవాలి..!

ప్రధానికి పుట్టినరోజు శుభాకాంక్షలు తెలిపిన సెలబ్రిటీలు

హైదరాబాద్‌: ప్రధానమంత్రి నరేంద్రమోదీకి సినీ ప్రముఖులు పుట్టిన రోజు శుభాకాంక్షలు తెలిపారు. ఆయన మరెన్నో విజయాలు అందుకోవాలని ప్రముఖ నటుడు మోహన్‌లాల్‌ ఆకాంక్షించారు. ప్రధానితో దిగిన ఫొటోను ట్విటర్‌ వేదికగా షేర్‌ చేసిన ఆయన.. ‘గౌరనీయులైన ప్రధాని నరేంద్రమోదీకి జన్మదిన శుభాకాంక్షలు. ఆయురారోగ్యాలు, సంతోషం, విజయాలతో మీ ప్రయాణం కొనసాగాలని ప్రార్థిస్తున్నాను’ అని పేర్కొన్నారు. మోహన్‌లాల్‌తోపాటు సినీ పరిశ్రమకు చెందిన పలువురు ప్రముఖులు మోదీకి విషెస్‌ చెబుతూ సోషల్‌మీడియాలో వరుస పోస్టులు పెడుతున్నారు.