Dhanush: ధనుష్‌ ‘సార్‌’

తమిళ కథానాయకుడు ధనుష్‌, దర్శకుడు వెంకీ అట్లూరి కలయికలో ఓ సినిమా రూపొందనున్న సంగతి తెలిసిందే. తెలుగు, తమిళ భాషల్లో తెరకెక్కనున్న ఈ చిత్రాన్ని సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంయుక్తంగా నిర్మిస్తున్నాయి. ఈ చిత్ర తెలుగు వెర్షన్‌కు ‘సార్‌’, తమిళ వెర్షన్‌కు ‘వాతి’ అనే టైటిల్స్‌ ఖరారు చేశారు. ఈ విషయాన్ని చిత్ర బృందం గురువారం అధికారికంగా ప్రకటించింది. ఈ మేరకు సామాజిక మాధ్యమాల వేదికగా టైటిల్‌ లుక్‌ మోషన్‌ పోస్టర్‌ను విడుదల చేశారు. ఈ ప్రచార చిత్రాన్ని బట్టి సినిమాలో ధనుష్‌ ఓ జూనియర్‌ కాలేజీ లెక్చరర్‌గా నటించనున్నట్లు తెలుస్తోంది. టైటిల్‌ డిజైన్‌లో ఉన్న పెన్ను పాళీని బట్టి.. ఇదొక పీరియాడికల్‌ మూవీ అని అర్థమవుతోంది. అలాగే విద్యావవస్థ చుట్టూ అల్లుకున్న ఉద్వేగభరితమైన ఆసక్తికర కథాంశంతో ఈ చిత్రం తెరకెక్కనున్నట్లు తెలుస్తోంది. ఇందులో ధనుష్‌కు జోడీగా సంయుక్తా మేనన్‌ నటించనున్నట్లు చిత్ర బృందం ప్రకటించింది. సాయికుమార్‌, తనికెళ్ల భరణి కీలక పాత్రలు పోషించనున్నారు. ఈ చిత్రానికి సంగీతం: జి.వి.ప్రకాష్‌, కూర్పు: నవీన్‌ నూలి, ఛాయాగ్రహణం: దినేష్‌ కృష్ణన్‌.