Cinema News: జనవరిలో ‘ధర్మస్థలి’

షకలక శంకర్‌, పావని జంటగా రమణ మోగిలి తెరకెక్కించిన చిత్రం ‘ధర్మస్థలి’. ఎం.ఆర్‌.రావు నిర్మాత. ప్రస్తుతం నిర్మాణాంతర పనుల్లో ఉన్న ఈ సినిమా జనవరిలో ప్రేక్షకుల ముందుకు రానుంది. ఈ సందర్భంగా చిత్ర దర్శకుడు మాట్లాడుతూ.. ‘‘శంకర్‌తో ఇలాంటి కథను ఇప్పటి వరకు ఎవరూ చేయలేదు. అన్ని రకాల వాణిజ్యాంశాలు పుష్కలంగా ఉన్న చిత్రమిది. ప్రతిరోజూ మన జీవితాలతో ఆడుకుంటున్న ఓ అంశాన్నే ఈ సినిమా ద్వారా తెలియజేస్తున్నాం. శంకర్‌ మార్క్‌ వినోదం కనిపిస్తుంది. త్వరలో మరిన్ని వివరాలు తెలియజేస్తామ’’న్నారు. ఈ చిత్రానికి సంగీతం: వినోద్‌ యాజమాన్య, ఛాయాగ్రహణం: జి.ఎల్‌.బాబు.