esther anil: ఆమె గౌను బరువు 58కేజీలు..!

ఇంటర్నెట్‌ డెస్క్‌: ఈ ఫొటోలో కనిపిస్తుంది ఎవరో కాదు నటి ఎస్తర్‌ అనిల్‌. ‘దృశ్యం’ చిత్రంలో కథానాయకుడు వెంకటేశ్‌ చిన్న కూతురిగా కనిపించింది. ‘జోహార్‌’ సినిమాలో ప్రధాన పాత్ర పోషించింది. ఈమెకి ట్రెండీగా ఉండటం చాలా ఇష్టం. కొత్త కొత్త ఫ్యాషన్‌ పోకడల్ని అనుసరిస్తుంటుంది. ఈ క్రమంలో ఏకంగా 58 కేజీల బరువైన గౌనుని ధరించి నెట్టింట సందడి చేస్తోంది. 58కేజీలా? అని ఆశ్చర్యపోతున్నారు కదూ! ఈ ప్రశ్నే అడుగుతోంది ఎస్తర్‌. ‘మీరు నమ్మగలరా.. 58 కేజీల బరువున్న గౌను ధరించాను. నేనేమో 44 కేజీల బరువు ఉన్నాను’ అంటూ చెప్పుకొచ్చింది. ఈ పొడవాటి, మోయలేని గౌనుని రూపొందించేందుకు 30రోజుల సమయం పట్టిందట. దీన్ని తయారుచేసిన వాళ్లకి, ఫొటోషూట్‌ నిర్వాహకులకు ధన్యవాదాలు తెలియజేసింది.