Jayamma Panchayathi: తిప్పగలనా చూపులు నీ నుంచి..!

ప్రియురాలు ఎదుట ఉంటే.. ఏ ప్రియుడైనా ఎలా చూపు తిప్పుకోగలడు... అందుకే ‘‘తిప్పగలనా చూపులు నీ నుంచి ఏ వైపైనా...? ఆపగలనా అడుగులు నా చెంతే కాసేపైనా?’’ అంటు పాడుకుంటున్నాడు. ప్రముఖ యాంకర్‌ సుమ ముఖ్య పాత్రలో నటిస్తున్న చిత్రం ‘జయమ్మ పంచాయతి’లోని ఈ పాటను ప్రముఖ కథానాయకుడు నాని మంగళవారం విడుదల చేశారు. ఎం.ఎం.కీరవాణి సంగీతమందించిన ఈ పాటకు రామాంజనేయులు సాహిత్యమందించారు. విజయ్‌కుమార్‌ కలివారపు దర్శకత్వం వహించిన ఈ సినిమా త్వరలోనే ప్రేక్షకుల ముందుకురానుంది. దినేష్‌, షాలిని, దేవీప్రసాద్‌... ఇతర కీలకపాత్రలు పోషిస్తున్నారు.  ఓ అందమైన ప్రేమ  కథను ఈ పాటలో చూపించారు.