Keerthy Suresh: కీర్తి సురేశ్‌ ‘గుడ్‌ లక్‌ సఖి’ విడుదలకి సిద్ధం.. ఎప్పుడంటే?

ఇంటర్నెట్‌ డెస్క్‌: ‘మహానటి’, ‘పెంగ్విన్‌’, ‘మిస్‌ ఇండియా’ తర్వాత కీర్తి సురేశ్‌ నటించిన మరో నాయికా ప్రాధాన్య చిత్రం ‘గుడ్‌ లక్‌ సఖి’. స్పోర్ట్స్‌ డ్రామా నేపథ్యంలో రూపొందిన ఈ సినిమాలో కీర్తి రైఫిల్‌ షూటర్‌గా నటించింది. నాగేశ్‌ కుకునూర్‌ దర్శకుడు. ఇప్పటికే విడుదలకావాల్సిన ఈ చిత్రం కరోనా కారణంగా వాయిదా పడింది. పరిస్థితులు ప్రస్తుతం మెరుగుపడటంతో త్వరలోనే ప్రేక్షకుల్ని పలకరించనుంది. నవంబరు 26న ఈ సినిమాని ప్రేక్షకుల ముందుకు తీసుకురానున్నట్టు చిత్ర బృందం ప్రకటించింది. ఈ మేరకు ఓ పోస్టర్‌ని విడుదల చేసింది. సుధీర్‌ చంద్ర నిర్మించిన ఈ సినిమాని ప్రముఖ నిర్మాత దిల్‌ రాజు సమర్పిస్తున్నారు. దేవిశ్రీ ప్రసాద్‌ సంగీతం అందించారు. ఆది, జగపతి బాబు కీలక పాత్రలు పోషించారు. ఇప్పటికే విడుదలైన టీజర్‌కి మంచి స్పందన లభించింది.