Seetimaarr Review: రివ్యూ: సీటీమార్
Seetimaarr: గోపి చంద్, తమన్నా జంటగా నటించిన మాస్ ఎంటర్టైనర్ ‘సీటీమార్’ ఎలా ఉందంటే?
చిత్రం: సీటీమార్; నటీనటులు: గోపిచంద్, తమన్నా, భూమిక, దిగంగన సూర్యవంశి, పోసాని కృష్ణమురళి, రావు రమేష్, రెహమాన్, తరుణ్ అరోరా, అప్సర రాణి (ప్రత్యేకగీతం) తదితరులు; ఛాయాగ్రహణం: ఎస్. సౌందర్ రాజన్; సంగీతం: మణిశర్మ; కూర్పు: తమ్మిరాజు; కళ: సత్యనారాయణ డి.వై; నిర్మాత: శ్రీనివాసా చిట్టూరి; కథ, మాటలు, స్క్రీన్ప్లే, దర్శకత్వం: సంపత్ నంది; సమర్పణ: పవన్ కుమార్; బ్యానర్: శ్రీనివాసా సిల్వర్ స్క్రీన్; విడుదల: 10-09-2021
వినాయక చవితి పండగకి తెలుగు ప్రేక్షకులకు బోలెడంత వినోదం. థియేటర్లోనూ... ఓటీటీ వేదికల్లోనూ కొత్త సినిమాలు సందడి చేస్తున్నాయి. థియేటర్ల ద్వారా ప్రేక్షకుల ముందుకొచ్చిన చిత్రాల్లో గోపీచంద్ ‘సీటీమార్’ ఒకటి. సంపత్ నంది దర్శకత్వం వహించిన ఈ చిత్రం ఆరంభం నుంచే ప్రేక్షకుల దృష్టిని ప్రత్యేకంగా ఆకర్షిస్తోంది. ప్రచార చిత్రాల తర్వాత మరిన్ని అంచనాలు పెరిగాయి. గోపీచంద్ - తమన్నా జోడీ, కబడ్డీ నేపథ్యం ‘సీటీమార్’`ని మరింత ప్రత్యేకంగా మార్చాయి. మరి సినిమా కథేంటి? కబడ్డీ కోచ్గా గోపీచంద్ ఎలా నటించారు?
కథేంటంటే: కార్తీక్ (గోపీచంద్) ఆంధ్రా మహిళల కబడ్డీ జట్టు కోచ్. స్పోర్ట్స్ కోటాలో బ్యాంక్లో అసిస్టెంట్ మేనేజర్గా ఉద్యోగం చేస్తుంటాడు. కడియంలో తన తండ్రి స్థాపించిన రామకృష్ణ మెమోరియల్ స్కూల్ మూతపడే పరిస్థితి తలెత్తుతుంది. దాంతో ఎలాగైనా తాను తీర్చిదిద్దిన కబడ్డీ జట్టుని జాతీయ స్థాయి పోటీల్లో గెలిపించి, ఆ జట్టు ద్వారా ఊళ్లోని స్కూల్ సమస్య వెలుగులోకి తీసుకురావాలని నిర్ణయిస్తాడు. ఆ ప్రయత్నంలో ఉన్న కార్తీక్కి ఊళ్లోనే ఎలాంటి అడ్డంకులు ఎదురయ్యాయి? దిల్లీలో పోలీస్ అధికారిగా ఉద్యోగం చేస్తూనే మాఫియాని నడిపిస్తున్న మాకన్సింగ్ (తరుణ్ అరోరా)తో కార్తీక్కి ఎలా వైరం ఏర్పడింది? తన జట్టు జాతీయ స్థాయి పోటీల్లో విజేతగా నిలిచిందా? కార్తీక్ ఆశయం నెరవేరిందా? తెలంగాణ కబడ్డీ జట్టు కోచ్ జ్వాలారెడ్డి (తమన్నా) కార్తీక్కి ఎలా అండగా నిలిచిందనేది మిగతాకథ.
ఎలా ఉందంటే: వాణిజ్యాంశాలతో కూడిన పక్కా ఫార్ములా కథకి కబడ్డీ నేపథ్యాన్ని జోడించి తెరకెక్కించిన చిత్రమిది. కొత్తదనం... లాజిక్ సంగతుల్ని పక్కనపెడితే పైసా వసూల్ మాస్ మసాలా అంశాలు పుష్కలంగా ఉన్నాయి. ప్రథమార్ధమంతా గోదావరి గట్లు, పల్లెటూరి నేపథ్యంలో సాగుతుంది. కొన్ని సరదా సన్నివేశాలతోపాటు... ఊళ్లో అమ్మాయిల్ని ఆటలవైపు పంపించే విషయంలో తల్లిదండ్రుల్లో ఉండే అపోహలు, పల్లెటూరి రాజకీయాలు కీలకం. ద్వితీయార్ధం పూర్తిగా దిల్లీ, కబడ్డీ, మాకన్ సింగ్ మాఫియా నేపథ్యంలో సాగుతుంది. తొలి సగభాగంలో కడియం బ్రదర్పాత్రలో రావు రమేష్ చేసే రాజకీయం ఆకట్టుకుంటుంది. గోదావరి యాస మాట్లాడుతూ ఆయన చేసే సందడి నవ్విస్తుంది. అతని ఇంటికే వెళ్లి కూతురు (దిగంగన సూర్యవంశీ)కి వచ్చిన పెళ్లి సంబందాన్ని అన్నపూర్ణమ్మ అండ్ గ్యాంగ్ చెడగొట్టే ఎపిసోడ్ కూడా కితకితలు పెడుతుంది.
అమ్మాయిల తల్లిదండ్రుల్ని ఒప్పించి జాతీయ స్థాయి పోటీల కోసం దిల్లీ వెళ్లిన కార్తీక్ జట్టుకి ఎదురయ్యే సవాళ్లు ద్వితీయార్ధానికి ప్రధాన బలం. అయితే జాతీయ స్థాయి పోటీలకి వెళ్లిన ఓ రాష్ట్ర జట్టు కిడ్నాప్కి గురయితే, అది బయటికి పొక్కకుండా ఉండటం, ఆ జట్టు కోసం కోచ్ ఒక్కడే పోరాడటం అనేది లాజిక్కి దూరంగా సాగుతున్నట్టు అనిపిస్తుంది. మాకన్ సింగ్కీ, కార్తీక్కి మధ్య నడిచే ఆ ఎపిసోడ్ ఉత్కంఠని రేకెత్తించేలా తెరకెక్కించాల్సి ఉన్నప్పటికీ ఆ సన్నివేశాలన్నీ చప్పగా సాగుతున్నట్టు అనిపిస్తాయి. మధ్యలో ప్రత్యేక గీతం కూడా జోడించారు. పతాక సన్నివేశాలు గోపీచంద్ మార్క్ యాక్షన్ ఘట్టాలతోనూ, మరోపక్క ఫైనల్ కబడ్డీ ఆటతోనూ సాగడం మాస్ ప్రేక్షకులతో సీటీ కొట్టేంచేలా చేస్తాయి. ఈ మాస్ మసాలా కథకి కబడ్డీ ఆట నేపథ్యం ప్రధాన బలాన్నిచ్చించింది.
ఎవరెలా చేశారంటే: గోపీచంద్కి అలవాటైన పాత్రే. కోచ్గా ఆయన మరింత హుషారుగా... మేన్లీగా కనిపిస్తారు. యాక్షన్ ఘట్టాల్లో ఎప్పట్లాగే ఆకట్టుకున్నారు. జ్వాలారెడ్డిగా తమన్నా తెలంగాణ యాస మాట్లాడుతూ నవ్వించింది. ఆమె అందంతోనూ ఆకట్టుకుంది. జ్వాలారెడ్డి పాట సినిమాకి ప్రధాన ఆకర్షణగా నిలిచింది. రావు రమేష్ ఊరి ప్రెసిడెంట్గా కనిపిస్తాడు. బీపీ, కొలెస్ట్రాల్ అంటూ ఆయన చెప్పే సంభాషణలు నవ్విస్తాయి. తరుణ్ అరోరా భయంకరకమైన విలన్గా కనిపించినా ఆ పాత్ర కథపై పెద్దగా ప్రభావం చూపించదు. దిగంగన సూర్యవంశీ, భూమిక, రెహ్మాన్, పోసాని కృష్ణమురళి తదితరులు పాత్రల పరిధి మేరకు నటించారు. సాంకతికంగా సినిమా ఉన్నతంగా ఉంది. సౌందర్ రాజన్ కెమెరా పనితనం చిత్రానికి హైలైట్. మణిశర్మ పాటల్లో సీటీమార్, జ్వాలారెడ్డి అలరిస్తాయి. వాటి చిత్రీకరణ కూడా ఆకట్టుకుంది. నిర్మాణ విలువలు ఉన్నతంగా ఉన్నాయి. దర్శకుడు సంపత్ నంది మాస్ కొలతలతో పక్కాగా చిత్రాన్ని తీర్చిదిద్దాడు. కథనంపై మరింతగా దృష్టిపెట్టాల్సింది. మాటలు ఆకట్టుకుంటాయి.
బలాలు
+ కబడ్డీ నేపథ్యం
+ గోపీచంద్ - తమన్నా
+ ప్రథమార్ధం, మాస్ అంశాలు
బలహీనతలు
- కథనం
- ప్రేక్షకుడి ఊహకు తగ్గట్టు సాగే సన్నివేశాలు
చివరిగా: సీటీమా(ర్)స్
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా