Gopichand: ‘ఆరడుగుల బుల్లెట్‌’ రిలీజ్‌ ఎప్పుడంటే..!

హైదరాబాద్‌‌: గోపీచంద్‌, నయనతార జంటగా నటించిన చిత్రం ‘ఆరడుగుల బుల్లెట్‌’. బి.గోపాల్‌ దర్శకత్వంలో తెరకెక్కిన ఈ సినిమా ఎట్టకేలకు విడుదలకు సిద్ధమైంది. చిత్రీకరణతో పాటు నిర్మాణానంతర కార్యక్రమాలు పూర్తి చేసుకున్న ఈ చిత్రం పలుకారణాల వల్ల ఇంతకాలం విడుదలకు నోచుకోలేదు. మొత్తానికి చిత్రబృందం తీపి కబురు చెప్పింది. ఈ క్రమంలోనే అక్టోబర్‌ 8న ఈ చిత్రాన్ని ప్రేక్షకుల ముందుకు తీసుకురానున్నట్లు చిత్రబృందం శనివారం అధికారికంగా ప్రకటించింది. ప్రకాశ్‌రాజ్‌, బ్రహ్మానందం కీలకపాత్రలు పోషించారు. మణిశర్మ సంగీతం అందించారు. జయబాలజీ రీల్‌ మీడియా ప్రైవేట్‌ లిమిలెట్‌ పతాకంపై తాండ్ర రమేశ్‌ నిర్మించారు.