No Entry: ముగ్గురు హీరోలు... తొమ్మిదిమంది హీరోయిన్‌లు

సల్మాన్‌ఖాన్‌, అనిల్‌కపూర్‌, ఫర్దేన్‌ ఖాన్‌ ప్రధాన పాత్రల్లో తెరకెక్కిన ‘నో ఎంట్రీ’ చిత్రం అప్పట్లో ప్రేక్షకుల్ని అలరించింది. అనీష్‌ బజ్మీ దర్శకత్వం వహించిన ఈ చిత్రానికి సీక్వెల్‌ రాబోతున్నట్లు తెలుస్తోంది. ‘‘అనీష్‌ స్క్రిప్టుని సిద్ధం చేశారు. ఈసారి ‘నో ఎంట్రీ’కి తొమ్మిందింతల వినోదం ఈ సీక్వెల్‌లో ఉండనుంది. సల్మాన్‌, అనిల్‌కపూర్‌, ఫర్దేన్‌ఖాన్‌...ఈ ముగ్గురూ త్రిపాత్రాభినయం చేయనున్నారు. ఇందులో తొమ్మిదిమంది కథానాయికలు అలరించనున్నారు’’అని అనీష్‌ సన్నిహిత వర్గాలు చెప్పినట్లు సమాచారం. ‘నో ఎంట్రీ’లో నటించిన లారా దత్తా, ఈషా డియోల్‌, సెలీనా జైట్లీతో సంప్రదింపులు జరుపుతున్నారట. వచ్చే ఏడాది ఈ సినిమా సెట్స్‌పైకి వెళ్లే అవకాశం ఉంది.