Jr NTR: రామ్‌ చరణ్‌తో ఎన్టీఆర్‌ నవ్వులు.. సమంతతో గొడవ!

ఇంటర్నెట్‌ డెస్క్‌: వెండితెరైనా, బుల్లితెరైనా తన వాక్పటిమతో ప్రేక్షకుల్ని కట్టిపడేస్తుంటారు ఎన్టీఆర్‌. ప్రస్తుతం.. ‘ఎవరు మీలో కోటీశ్వరులు’ కార్యక్రమం వేదికగా విజ్ఞానంతోపాటు మంచి వినోదం పంచుతున్నారు. సెలబ్రిటీలను ఈ షోకి ఆహ్వానించి మరింత సందడి చేస్తున్నారు. ఈ క్రమంలో తొలి అతిథిగా రామ్‌ చరణ్‌ విచ్చేసి హంగామా చేశారు. తర్వాత నటి సమంత, దర్శకులు రాజమౌళి, కొరటాల శివ, సంగీత దర్శకులు దేవిశ్రీ ప్రసాద్‌, తమన్‌ ఈ కార్యక్రమంలో పాల్గొన్నారు. వీరితో ఎన్టీఆర్‌ చేసిన అల్లరి అంతా ఇంతా కాదు. ఈ గెస్ట్‌లతో ఎన్టీఆర్‌ మాట్లాడిన తీరు అందరినీ ఆకట్టుకుంది. మళ్లీ మళ్లీ చూడాలనిపించేలా చేసింది. అందుకే ‘హార్ట్‌ వామింగ్‌ మూమెంట్స్‌ ఆఫ్‌ ఈఎమ్‌కే’ పేరుతో ఓ వీడియోను రూపొందించారు. ఇందులో రామ్‌ చరణ్‌, సమంత, రాజమౌళి, కొరటాల శివతో సాగిన సంభాషణలు కనిపించాయి. ఇంకెందుకు ఆలస్యం సమంతతో ఎన్టీఆర్‌ నవ్వుతూ చేసిన మాటల యుద్ధం, రామ్‌ చరణ్‌, రాజమౌళి, కొరటాల శివతో చేసిన నవ్వుల ప్రయాణాన్ని మరోసారి ఆస్వాదించండి..