Jersey: హిందీ ‘జెర్సీ’.. విడుదల మరోసారి వాయిదా

ఇంటర్నెట్‌ డెస్క్‌: షాహిద్‌ కపూర్‌ కథానాయకుడిగా తెరకెక్కిన ‘జెర్సీ’ సినిమా విడుదల మరోసారి వాయిదా పడింది. ఇప్పటికే విడుదలకావాల్సిన ఈ చిత్రం వివిధ కారణాల వల్ల ఆలస్యమవుతూ వచ్చింది. ఎట్టకేలకు డిసెంబరు 31న విడుదల చేస్తున్నట్టు చిత్ర బృందం ఇటీవల ప్రకటించింది. కానీ, ప్రస్తుత పరిస్థితుల దృష్ట్యా ఈ సినిమాను మళ్లీ వాయిదా వేసింది. కొత్త విడుదల తేదీని త్వరలోనే ప్రకటించే అవకాశాలున్నాయని, ఈ సినిమా ఓటీటీలో విడుదలవుతుందనే వార్తల్లో నిజం లేదని సినీ వర్గాలు తెలిపాయి.

తెలుగులో ఘన విజయం అందుకున్న ‘జెర్సీ’కి రీమేక్‌గా ఈ చిత్రం రూపొందింది. నాని పాత్రలో షాహిద్‌ కనిపించనున్నారు. మృణాల్‌ ఠాకూర్‌ కథానాయిక. మాతృకను తెరకెక్కించిన గౌతమ్‌ తిన్ననూరినే ఈ రీమేక్‌కు దర్శకత్వం వహించారు. ఈ చిత్రాన్ని దిల్‌రాజు, సూర్యదేవర నాగవంశీ, అమన్‌ నిర్మించారు. అల్లు అరవింద్‌ సమర్పిస్తున్నారు. సచిత్‌- పరంపర సంగీతం అందించారు.

► Read latest Cinema News and Telugu News