PUSHPA: పుష్పరాజ్‌.. జోరు

అల్లు అర్జున్‌.. సుకుమార్‌ల కలయికలో రూపొందుతోన్న పాన్‌ ఇండియా చిత్రం ‘పుష్ప’. మైత్రీ మూవీ మేకర్స్‌ సంస్థ నిర్మిస్తోంది. రష్మిక కథానాయిక. ఫహాద్‌ ఫాజిల్‌, సునీల్‌ తదితరులు కీలక పాత్రలు పోషిస్తున్నారు. ఈ చిత్ర తొలి భాగం ‘పుష్ప: ది రైజ్‌’ పేరుతో డిసెంబర్‌ 17న   ప్రేక్షకుల ముందుకు రానుంది. ఈ నేపథ్యంలోనే నిర్మాణాంతర పనులను చకచకా పూర్తి చేస్తోంది చిత్ర బృందం. బన్నీ ప్రస్తుతం తన పాత్రకు డబ్బింగ్‌ పూర్తి చేసే పనిలో ఉన్నారు. ఈ విషయాన్ని చిత్ర వర్గాలు ట్విటర్‌ వేదికగా తెలియ జేశాయి. దీనికి సంబంధించి అల్లు అర్జున్‌ స్టూడియోలో డబ్బింగ్‌ చెబుతున్న ఓ వీడియోను అభిమానులతో పంచుకున్నారు. ‘‘డబ్బింగ్‌ పనులు ఫుల్‌ స్వింగ్‌లో ఉన్నాయి. వెండితెరపై పుష్పరాజ్‌ తన లాంగ్వేజ్‌తో.. బాడీ లాంగ్వేజ్‌తో ఆకట్టుకుంటాడు’’ అని ఆ వీడియోకి ఓ వ్యాఖ్యను జత చేశారు. ఎర్ర చందనం అక్రమ రవాణా నేపథ్యంలో సాగే కథతో రూపొందుతోన్న చిత్రమిది. బన్నీ ఇందులో పుష్పరాజ్‌ అనే స్మగ్లర్‌గా మాస్‌ అవతారంలో కనిపించనున్నారు. దేవిశ్రీ ప్రసాద్‌ స్వరాలందిస్తున్నారు.