Ide Maa Katha: మన కోరికలో నిజాయతీ ఉంటే ఎప్పటికైనా నెరవేరుతుంది: శ్రీకాంత్‌

హైదరాబాద్‌: ‘మన కష్టానికి కారణం మనిషైతే ద్వేషిస్తాం.. దేవుడైతే విధిరాత అనుకుంటాం. మన కోరికలో నిజయాతీ ఉంటే ఎప్పటికైనా అది నెరవేరుతుంది’ అని అంటున్నారు నటుడు శ్రీకాంత్‌. ఆయన.. సుమంత్‌ అశ్విన్‌, భూమిక, తాన్య హోప్‌ ప్రధాన పాత్రల్లో నటించిన చిత్రం ‘ఇదే మా కథ’. రహదారి ప్రయాణం నేపథ్యంలో తెరకెక్కిన ఈ చిత్రానికి గురుపవన్‌ దర్శకత్వం వహించారు. అక్టోబర్‌ 2న ఈ సినిమా ప్రేక్షకుల ముందుకు రానుంది. ఈ నేపథ్యంలో ‘ఇదే మా కథ’ సినిమా ట్రైలర్‌ను ప్రముఖ దర్శకుడు రామ్‌గోపాల్‌ వర్మ సోషల్‌మీడియా వేదికగా విడుదల చేశారు. హైదరాబాద్‌ నుంచి లద్దాఖ్‌ వరకు సాగే ప్రయాణం నేపథ్యంలో ఈ చిత్రం రూపొందింది. పాతికేళ్ల క్రితం దూరమైన ప్రేమను తిరిగి పొందడానికి లద్దాఖ్‌ వెళ్లే ట్రావెలర్‌గా శ్రీకాంత్‌ కనిపించనున్నాడు. సుమంత్‌ అశ్విన్‌-భూమిక బైక్‌ రైడింగ్‌ని ఇష్టపడే పాత్రల్లో నటించారు.