Naga chaitanya: బర్త్డే స్పెషల్.. చైతూ గురించి ఈ విషయాలు తెలుసా?
Naga chaitanya: పుట్టినరోజు జరుపుకొంటున్న యువ కథానాయకుడు నాగచైతన్య గురించి ఈ ఆసక్తికర విషయాలు మీకు తెలుసా?
సినీ పరిశ్రమలో రెండు ప్రముఖ కుటుంబాల వారసుడు... అయినా వారసత్వం గురించి చెప్పుకోవడం కనిపించదు... అభిమానులు, ఆస్తులు తక్కువేం కాదు... కానీ గొప్పలకు పోయే మనస్తత్వం కాదు...చూడ్డానికి సాఫ్ట్గా కనిపించినా.. బండి యాక్సిలేటర్ తొక్కితే రేసరే! తనే అభిమానించే వారంతా ముద్దుగా ‘చైతూ’గా పిలుచుకునే అక్కినేని నాగచైతన్య(Naga chaitanya)...ఎదిగికొద్దీ ఒదుగుతూ.. పక్కింటి కుర్రాడిలా కలిసిపోయే ఈ బర్త్డే బోయ్ విశేషాలు తెలుసుకుందామా!
వారసుడిగా..
యువసామ్రాట్ అక్కినేని నాగార్జున, దగ్గుబాటి లక్ష్మిలకు ముప్ఫై ఆరేళ్ల కిందట హైదరాబాద్లో జన్మించాడు చైతూ. అటు అక్కినేని కుటుంబం.. ఇటు దగ్గుబాటి ఫ్యామిలీ.. ఘనమైన వారసత్వం. కానీ తల్లిదండ్రులు చిన్నప్పుడే విడిపోవడంతో తల్లి లక్ష్మి దగ్గరే ఎక్కువగా చెన్నైలో పెరిగాడు. అక్కడే పీఎస్బీబీ స్కూల్లో స్కూలింగ్ పూర్తిచేసి హైదరాబాద్ తిరిగొచ్చాడు. సెయింట్ మేరీస్ కాలేజీలో కామర్స్ పూర్తి చేశాడు. తను మెరిట్ విద్యార్థి కాదు.. అలాగని వెనకబెంచీ విద్యార్థి కాదు. క్లాసులకెళ్లింది తక్కువ.
తెరంగేట్రం..
టీనేజీలో 98 కేజీలతో చాలా లావుగా ఉండేవాడు. అంతా ‘డంబూ’ అని పిలిచేవారు. అమ్మమ్మ తరపు దగ్గుబాటి కుటుంబంలో బాగా ముద్దు చేసేవారు. డిగ్రీ మధ్యలోకి వచ్చేవరకూ ఏం కావాలనేది క్లారిటీ లేదు. సినిమాల్లోకి వెళ్లాలనే ఆలోచనే లేదు. అప్పుడప్పుడు నాన్నతో కలిసి షూటింగ్లకు వెళ్లడంతో మెల్లగా సినిమాలపై ఆసక్తి మొదలైంది. నాన్నతో చెబితే ‘నీ ఇష్టం’ అన్నారు. తర్వాత ఫిట్నెస్పై శ్రద్ధ పెట్టి బరువు తగ్గాడు. నెలన్నరపాటు ముంబయిలోని ఒక వర్క్షాప్కి పంపించారు నాగార్జున. తర్వాత కూడా యాక్టింగ్పై ఆసక్తి ఉంటే చూద్దాం అన్నారు. వెళ్లొచ్చాడు. సినిమాల్లోకి వెళ్తానన్నాడు. అక్కడి నుంచి కాలిఫోర్నియాలోని ఓ యాక్టింగ్ స్కూల్లో ఏడాదిన్నర శిక్షణ తీసుకున్నాడు. ‘అక్కినేని కుటుంబంలో పుట్టడంతో సహజంగానే సినిమాలపై ఆసక్తి మొదలైంది. కానీ యాక్టర్ కావాలని నన్ను ఎవరూ బలవంతం చేయలేదు. 20 ఏళ్ల వయసున్నప్పుడు సినిమాల్లోకి వెళ్లాలా? వద్దా? అవి నాకు సూటవుతాయా? లేదా? అని చాలా సందిగ్ధంలో ఉన్నా. చివరికి ఓ నిర్ణయం తీసుకున్నా. నేను పరిశ్రమలోకి వెళ్లాలని రాసి పెట్టి ఉందని అప్పుడు అర్థమైంది’ అంటూ ఓ ఇంటర్వ్యూలో తెలిపాడు.
మెరుగైన నటుడిగా...
2009లో ‘జోష్’ సినిమాతో నాగచైతన్య తెరంగేట్రం చేశాడు. ఇప్పటిదాకా మొత్తం పాతిక చేశాడు. ఏ మాయ చేశావే, 100 పర్సెంట్ లవ్, ప్రేమమ్, మనం, రారండోయ్ వేడుకచూద్దాం, మజిలీ, లవ్స్టోరీలు బాక్సాఫీసు దగ్గర విజయం సాధించాయి. కొన్ని చిత్రాల్లో నటనకు మంచి మార్కులే పడ్డాయి. ఫిల్మ్ఫేర్, సైమా, సినీమా, సంతోషం.. పలు అవార్డులు అందుకున్నాడు.
మాధ్యమాలకు దూరం
సామాజిక మాధ్యమాలు, మీడియాకు దూరంగా ఉండే తెలుగు నటుల్లో చైతన్య ఒకడు. ఈమధ్య ఫర్వాలేదుగానీ మొదట్లో మీడియాకి ఇంటర్వ్యూలు ఇచ్చింది కూడా తక్కువే. ‘వ్యక్తిగత జీవితం ప్రైవేటుగానే ఉండాలి. అన్నీ సోషల్ మీడియాలో పంచుకుంటే ఇంక వ్యక్తిగతం ఏముంటుంది? జీవితంలో చాలా సమయం కెమెరా ముందే ఉంటా. ఒంటరిగా ఉండేది కొద్దిసమయమే. ఆన్లైన్లో అది కూడా పంచుకోవాలంటే ఇంక అర్థం ఏముంటుంది?’ ఇదీ చైతూ అభిప్రాయం.
రేసింగ్పై మమకారం
చూడ్డానికి సాఫ్ట్గా కనిపించినా తను సూపర్ బైక్లు, హై-స్పీడ్ కార్లను అవలీలగా నడిపేయగలడు. నిజానికి ముందు రేసర్ కావాలనుకున్నాడు. కొన్ని పోటీల్లో కూడా పాల్గొన్నాడు. ఫెరారీ, నిస్సాన్ జీటీ-ఆర్, పోర్షె పనమెరా, పోర్షె కాయన్నే, రేంజ్రోవర్ వోగ్లాంటి అత్యంత వేగవంతమైన కార్లు తన గ్యారేజీలో ఉన్నాయి. వీటితోపాటు ఎంవీ అగస్టా, బీఎండబ్ల్యూ బైక్లూ కొలువుదీరాయి. అప్పుడప్పుడూ వీటిపై కూడా హైదరాబాద్ రోడ్లపై జామ్మంటూ దూసుకెళ్తుంటాడు. ఖాళీగా ఉన్నప్పుడు ఈ బైక్లను సరదాగా ‘స్పిన్’ చేస్తుంటాడు.
కండరగండడేం కాదు
సిక్స్ప్యాక్లు పెంచడం, కండలు ప్రదర్శించడంలాంటివేం లేవుగానీ చైతూ క్రమం తప్పకుండా వర్కవుట్లు చేస్తాడు. ఇంట్లోనే చిన్నపాటి జిమ్ ఏర్పాటు చేసుకున్నాడు. ‘జిమ్కి వెళ్లడం, గేమ్ ఆడటం అనేవి యాంత్రికంగా కాకుండా మనస్ఫూర్తిగా ఉండాలి. మనసు పెట్టి చేయాలి. వాటితో మనకు ఎమోషనల్ అటాచ్మెంట్ ఉండాలి. అప్పుడే వ్యాయామాన్ని ఎంజాయ్ చేస్తాం. ఫిట్నెస్ సాధిస్తాం’ అంటూ తన అభిప్రాయం చెప్పాడోసారి.
ఏకైక స్నేహితుడు
చైతూకు ముందునుంచీ మొహమాటం ఎక్కువ. ఎవరితోనూ పెద్దగా స్నేహం చేయడు. ఇండస్ట్రీలో బెస్ట్ ఫ్రెండ్ ఎవరంటే వెంటనే చెప్పే పేరు రానా దగ్గుబాటి. తను ఆన్స్క్రీన్, ఆఫ్స్క్రీన్లో కూడా స్నేహితుడే. బంధువు కావడంతో చిన్నప్పట్నుంచీ ఇద్దరి మధ్య మంచి స్నేహం ఉంది. రానా నాగచైతన్యని ‘స్వీట్ కిడ్’ అంటుంటాడు. తన మంచితనం, వ్యక్తిత్వాన్ని ఎవరైనా ఇష్టపడతారు అంటూ మెచ్చుకుంటాడు. సినిమా పరిశ్రమలో కాకుండా తనకు కాలేజీ ఫ్రెండ్స్ ఇంకో ముగ్గురు ఉన్నారంటాడు నాగచైతన్య.
* బటర్ చికెన్ అంటే బాగా ఇష్టం. వారంలో రెండురోజులైనా లాగిస్తాడు.
* నాగార్జున, చైతూ స్నేహితుల్లా ఉంటారు. కొన్ని విషయాల్లో చైతూ సలహాలు తీసుకుంటానంటారు నాగార్జున.
* ‘యూ నో’ అనేది నాగచైతన్య ఊతపదం.
* కత్రినా కైఫ్ అంటే చైతూకి క్రష్.
* శివ, నిన్నే పెళ్లాడతా, ఇంట్లో ఇల్లాలు వంటింట్లో ప్రియురాలు తన ఫేవరెట్ సినిమాలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
జనసేనలో చేరతానని నేను చెప్పలేదు.. కానీ: అనసూయ
తాను రాజకీయాల్లోకి అడుగుపెట్టనున్నానంటూ జరుగుతోన్న ప్రచారంపై నటి అనసూయ (Anasuya) స్పందించారు. -
రజనీ 171 టైటిల్ అనౌన్స్మెంట్.. లోకేశ్ కనగరాజ్ కామెంట్స్ వైరల్
రజనీకాంత్ - లోకేశ్ కనగరాజ్ కాంబినేషన్లో ఓ సినిమా రూపుదిద్దుకోనున్న విషయం తెలిసిందే. త్వరలో ఇది పట్టాలెక్కనుంది. -
విజయ్ దేవరకొండను పార్టీ అడిగిన రష్మిక.. ఎందుకంటే..?
నటుడు విజయ్ దేవరకొండ(Vijay Deverakonda)ను రష్మిక (Rashmika) పార్టీ అడిగారు. ఈ మేరకు ‘ఎక్స్’ (ట్విటర్)లో పోస్ట్ పెట్టారు. -
2014 రోజులు గుర్తొస్తున్నాయి... జయం మనదే
‘‘మంచి ఉద్దేశంతో సినిమా తీస్తే ప్రేక్షకులు తప్పకుండా ఆదరిస్తారు. వాళ్ల ఆదరణ ఒక బాధ్యతగా భావిస్తా. సమాజం పట్ల స్పృహతో, రాజకీయంగానూ చైతన్యం కలిగించాలనే ఆలోచనతోనే కథాంశాల్ని ఎంచుకుంటా. 2014లో ఎన్నికలకు ముందు ‘లెజెండ్’ విడుదలైంది. -
టిల్లు నవ్వడు.. నవ్వేలా చేస్తాడు!
‘డీజే టిల్లు’ చిత్రంతో సినీప్రియుల మదిపై చెరగని ముద్ర వేశారు సిద్ధు జొన్నలగడ్డ. ఆ పాత్రతో తెరపై ఆయన చేసిన అల్లరి అందర్నీ కడుపుబ్బా నవ్వించింది. దీంతో ఇప్పుడదే టిల్లు పాత్రతో మరోసారి అలరించేందుకు ‘టిల్లు స్క్వేర్’ సినిమాతో సిద్ధమయ్యారు సిద్ధు. -
కొన్నేళ్లపాటు గుర్తుపెట్టుకునేలా... ఫ్యామిలీస్టార్
తన కుటుంబాన్ని పైకి తీసుకొచ్చేందుకు ప్రయత్నించే ప్రతి వ్యక్తి ఫ్యామిలీస్టార్ అని చెప్పడమే ఈ సినిమా కథాంశం అన్నారు దిల్రాజు. ఆయన శ్రీ వెంకటేశ్వర క్రియేషన్స్ పతాకంపై శిరీష్తో కలిసి నిర్మించిన చిత్రం ‘ఫ్యామిలీస్టార్’. -
చివరి తరంలో స్టార్స్ మేమే
‘‘చిత్రపరిశ్రమలో హిట్స్ మాత్రమే అందుకున్న నటీనటులు ఎవరు లేరు. ప్రతి ఒక్కరూ వారి కెరీర్లో హిట్ ఫ్లాప్ల రుచి చూశాకే విజయబాటలో నడుస్తార’’ని అంటోంది బాలీవుడ్ నాయిక కంగనా రనౌత్. -
హీరామండీ తారల మెరుపులు అప్పుడే
భారతీయ సినిమా స్థాయిని పెంచిన దర్శకుల్లో సంజయ్ లీలా భన్సాలీ ఒకరు. ప్రతి చిత్రాన్ని ఎంతో క్లాసిక్గా తీర్చిదిద్దడం ఈయన స్టైల్. త్వరలో తన కలల ప్రాజెక్టు ‘హీరామండీ: -
పేరు... ఆ రోజు
రజనీకాంత్ కథానాయకుడిగా లోకేశ్ కనగరాజ్ దర్శకత్వంలో ఓ చిత్రం తెరకెక్కనున్న సంగతి తెలిసిందే. రజనీకి ఇది 171వ చిత్రం. సన్ పిక్చర్స్ నిర్మిస్తోంది. -
చరిత్రను మార్చిన సంఘటన
బాలీవుడ్ కథానాయకుడు విక్రాంత్ మాస్సే, రాశీ ఖన్నా ప్రధాన పాత్రల్లో నటిస్తున్న చిత్రం ‘ది సబర్మతీ రిపోర్ట్’. రంజన్ చందేల్ తెరకెక్కిస్తున్నారు. -
సూర్య 44వ చిత్రం ఖరారు
ప్రేక్షకుల్ని... అభిమానుల్ని ఆశ్చర్య పరుస్తూ తన కొత్త సినిమాని ప్రకటించారు సూర్య. ఎవరూ ఊహించని రీతిలో కార్తీక్ సుబ్బరాజ్ దర్శకత్వంలో ఓ సినిమా చేస్తున్నట్టు ప్రకటించారు. అసలేమాత్రం ప్రచారంలోకి రాని కలయిక ఇది. -
తగ్గేదేలే..
దుబాయిలోని మేడమ్ టుస్సాడ్స్ మ్యూజియంలో గురువారం తన మైనపు విగ్రహం వద్ద అల్లు అర్జున్ -
బాలకృష్ణ లుక్స్.. ఈ సారి ‘అఖండ’కు మించి: రామ్స్
‘అఖండ 2’లో బాలకృష్ణ లుక్స్ ‘అఖండ’కు మించి ఉంటాయని రామ్స్ అన్నారు. తాను హీరోగా నటించిన ‘ఫైటర్ రాజా’ టీజర్ లాంచ్ ఈవెంట్లో ఆయన ఆసక్తికర కామెంట్స్ చేశారు. -
అల్లు అర్జున్కు మరో అరుదైన గౌరవం.. తొలి సినిమా విడుదలైన రోజే
హీరోగా తన తొలి సినిమా విడుదలైన రోజే అల్లు అర్జున్కు అరుదైన గౌరవం దక్కింది. అదేంటంటే? -
పూజాహెగ్డే ‘స్పై’ ఫొటో.. ప్రగ్యా ‘పోజు’ రిపీట్.. మెహందీతో కావ్య!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
-
షాపూర్జీ పల్లోంజీ గ్రూప్ నుంచి ఐపీఓ.. రూ.7,000 కోట్ల సమీకరణ!
-
‘పన్ను ఉగ్రవాదాన్ని ఆపండి’.. రూ.1823 కోట్ల నోటీసులపై కాంగ్రెస్ మండిపాటు
-
9 అసెంబ్లీ, 4 పార్లమెంట్ స్థానాలకు తెదేపా అభ్యర్థులు వీళ్లే..
-
జగన్ పని దొంగ.. దోపిడీదారుడు: చంద్రబాబు
-
బిహార్లో తేలిన సీట్ల లెక్క.. 26 స్థానాల్లో ఆర్జేడీ, 9 చోట్ల కాంగ్రెస్