Harihara Veeramallu: పవన్‌ కోసం నర్గీస్‌?

పవన్‌కల్యాణ్‌ కథానాయకుడిగా నటిస్తున్న ‘హరిహర వీరమల్లు’ కోసం బాలీవుడ్‌ భామ నర్గీస్‌ ఫక్రీ రంగంలోకి దిగనున్నట్టు తెలుస్తోంది. క్రిష్‌ దర్శకత్వంలో పీరియాడిక్‌ కథతో రూపొందుతున్న ఈ చిత్రంలో ఆమె యువరాణిగా సందడి చేయనున్నట్టు సమాచారం. మొదట ఈ పాత్ర కోసం జాక్వెలిన్‌ ఫెర్నాండెజ్‌ని ఎంపిక చేసుకున్నారు. అయితే ఆమె డేట్స్‌ సర్దుబాటు కాకపోవడంతో, నర్గీస్‌ ఫక్రీని సంప్రదించి ఆమెని ఒప్పించారనేది ఫిల్మ్‌నగర్‌ వర్గాల మాట. త్వరలోనే ఆమె సెట్స్‌లో అడుగుపెడతారని తెలుస్తోంది. మొఘలాయిల కాలం నేపథ్యంలో సాగే ఈ సినిమా కోసం పవన్‌కల్యాణ్‌ ప్రత్యేకంగా యుద్ధ విద్యల్లో తర్ఫీదు కూడా పొందారు. ఆయన ఇందులో ఓ బందిపోటుగా కనిపిస్తారు.