RRR: ‘RRR’ నుంచి మరో అప్‌డేట్‌.. బంగార్రాజులో నాగ చైతన్య

హైదరాబాద్‌: ఎన్టీఆర్‌, రామ్‌చరణ్‌ కథానాయకులుగా ఎస్‌.ఎస్‌.రాజమౌళి దర్శకత్వంలో తెరకెక్కుతున్న పీరియాడికల్‌ యాక్షన్‌ థ్రిల్లర్‌ ‘ఆర్‌ఆర్‌ఆర్‌’. ఇప్పటికే చిత్రీకరణ పూర్తి చేసుకున్న ఈ సినిమా సంక్రాంతి కానుకగా జనవరి 7న ప్రేక్షకుల ముందుకు రానుంది. ఈ నేపథ్యంలో చిత్ర ప్రచార కార్యక్రమాల వేగాన్ని పెంచారు. ఆర్ఆర్‌ఆర్‌ సోల్‌ యాంథమ్‌(RRR Soul Anthem) ‘జనని’ అంటూ సాగే పాటను విడుదల చేయనున్నట్లు దర్శకుడు రాజమౌళి తెలిపారు. పెద్దన్న కీరవాణి స్వరపరిచిన పాట భావోద్వేగంతో సాగుతుందంటూ ఓ పోస్టర్‌ను పంచుకున్నారు.

‘బంగార్రాజు’ నాగచైతన్య ఫస్ట్‌లుక్‌

నాగార్జున, నాగచైతన్య కీలక పాత్రల్లో నటిస్తున్న ఫ్యామిలీ ఎంటర్‌టైనర్‌ ‘బంగార్రాజు’. కల్యాణ్‌ కృష్ణ దర్శకుడు. మంగళవారం నాగచైతన్య పుట్టినరోజు సందర్భంగా ఈ చిత్రంలో చైతూ లుక్‌ను చిత్ర బృందం విడుదల చేసింది. ‘సోగ్గాడే చిన్ని నాయన’ సినిమాకు ప్రీక్వెల్‌గా ‘బంగార్రాజు’ తెరకెక్కుతోంది.

► Read latest Cinema News and Telugu News