Jayamma Panchayathi: జయమ్మ గొడవేంది?
జయమ్మ చాలా గడుసైన మహిళ. ఆమెకో సమస్య వచ్చింది. చుట్టు పక్కల ఊళ్లల్లో ఎవరికీ ఎప్పుడూ రానటువంటి సమస్య అది. అందుకే పంచాయితీ పెట్టింది. తన గొడవలో న్యాయం ఉందని పంచాయితీ పెద్దలు తేల్చారు.....
జయమ్మ చాలా గడుసైన మహిళ. ఆమెకో సమస్య వచ్చింది. చుట్టు పక్కల ఊళ్లల్లో ఎవరికీ ఎప్పుడూ రానటువంటి సమస్య అది. అందుకే పంచాయితీ పెట్టింది. తన గొడవలో న్యాయం ఉందని పంచాయితీ పెద్దలు తేల్చారు. రెండు రోజుల్లో ఈ తగవు తేల్చకపోతే మీరూ ఉండరు, మీ పంచాయతీ ఉండదని హెచ్చరించింది జయమ్మ. ఇంతకీ ఆమెకి వచ్చిన సమస్య ఎలాంటిది? అది ఎలా పరిష్కారమైందో తెలియాలంటే ‘జయమ్మ పంచాయితీ’ చూడాల్సిందే. ప్రముఖ యాంకర్ సుమ ప్రధానలో నటించిన చిత్రమిది. విజయ్ కుమార్ కలివరకు దర్శకత్వం వహిస్తున్నారు. వెన్నెల క్రియేషన్స్ పతాకంపై బలగ ప్రకాష్ నిర్మిస్తున్నారు. ఈ సినిమా టీజర్ని ఆదివారం ప్రముఖ కథానాయకుడు రానా దగ్గుబాటి విడుదల చేశారు. ఈ సందర్భంగా ఆయన మాట్లాడుతూ ‘‘ఎవరి పేరు చెబితే తెలుగు పరిశ్రమలో ముందస్తు విడుదల వేడుక తేదీలు మారిపోతాయో ఆవిడే సుమ. ఈమె ఏ సంస్కృతిలోనైనా, ఏ స్థాయి వ్యక్తులతోనైనా కలిసిపోగలరు. ఆమె వేడుకల్ని నిర్వహిస్తున్నారంటే అందరూ సౌకర్యంగా ఉంటారు. అంతటి ప్రేమని ఇచ్చిన సుమకి ఎంత తిరిగిచ్చినా తక్కువే. ఈ సినిమాని ఘన విజయం సాధించాలి. ఇలానే మరెన్నో భాషల్లో షోలు, సినిమాలు చేస్తూనే ఉండాలి’’ అన్నారు. సుమ మాట్లాడుతూ ‘‘రానా దగ్గుబాటి తొలి చిత్రం ‘లీడర్’ తొలి వేడుకని నేనే నిర్వహించా. ఇప్పుడు నా సినిమా వేడుకకి ఆయన హాజరు కావడం ఆనందంగా ఉంది. భిన్నంగా ఏదైనా ప్రయత్నించాలని మూడేళ్లుగా చాలా మందికి చెబుతున్నా. సరే అంటారు కానీ, ఎవ్వరూ అవకాశం ఇవ్వలేదు. ఇక నమ్మకం కోల్పోయిన దశలో దర్శకుడు విజయ్ కుమార్ని తీసుకొచ్చారు భువన్. ఆయన కథ చెప్పినప్పుడు ఈమధ్యకాలంలో ఇలాంటి కథని చూడలేదనిపించింది. శ్రీకాకుళం నేపథ్యంలోసాగే కథ ఇది. ఆ యాసని నేర్చుకుని ఈ సినిమా చేశా. దీనికి వెయ్యేనుగుల బలం కీరవాణి సర్. స్క్రిప్ట్ విని చాలా బాగుందని మెచ్చుకున్నారు. జయమ్మ సుమలా కాదు, చాలా బలమైన మహిళ. గ్రామీణ నేపథ్యంలో సాగే ఆమె కథే ఇది. ఈ సినిమా చేస్తున్నప్పుడు నేనూ తనలాగే ఉండాలనుకున్నా’’ అన్నారు. నిర్మాత మాట్లాడుతూ ‘‘భవిష్యత్తులో సుమ అని కాకుండా, జయమ్మ అనే పిలుస్తారు. విజయ్ చాలా మంచి కథతో తెరకెక్కించాడు. మైమరిపించేలా ఉంటుందీ చిత్రం’’ అన్నారు. ఈ కార్యక్రమంలో ఛాయాగ్రాహకుడు అనూష్కుమార్తోపాటు, అమర్ అఖిల, దినేష్, షాలిని తదితరులు పాల్గొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
అల్లు అర్జున్ హీరోగా సుకుమార్ తెరకెక్కిస్తున్న ‘పుష్ప2’లో కన్నడ నటుడు తారక్ పొన్నప్ప కీలకపాత్రలో నటిస్తున్నారు. తాజాగా తన పాత్ర గురించి వివరించారు. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
హిట్ జోడీ.. మళ్లీ సెట్!
నాయకానాయికలు తెరపై జంటగా కనిపించి ఒక్కసారి హిట్ జోడీ అనిపించుకుంటే చాలు.. మళ్లీ వారిద్దరి కలయికలో ఎప్పుడెప్పుడు సినిమా వస్తుందా? అని ఎదురుచూస్తుంటారు ప్రేక్షకులు. -
ఒక్క పోరాటం 26 రోజులు
అగ్ర తారల సినిమా అనగానే పాటలు, పోరాటాలే గుర్తొస్తాయి. వాటిపై కథానాయకులు మరింత శ్రద్ధ తీసుకుంటుంటారు. సెట్లో ఎన్ని సవాళ్లు ఎదురైనా స్వీకరించి రాజీ పడకుండా నటిస్తుంటారు. -
ఈ వేసవిలో బాగా నవ్విస్తాం: అల్లరి నరేశ్
పెళ్లెప్పుడు పెళ్లెప్పుడు అని వెంటపడేవాళ్లకి ఓ కొత్త సెక్షన్ పెట్టి లోపల వేయించండంటూ న్యాయస్థానంలో మొర పెట్టుకున్నాడు ఓ కుర్రాడు. అతని పెళ్లి గోల వెనక కథేమిటి? ఇంతకీ అతడికి పెళ్లయిందా లేదా? -
డైరెక్టర్స్ డేని ఘనంగా నిర్వహిస్తాం
‘‘భారతీయ సినిమాకి డైరెక్టర్స్ డే అనేది తలమానికం. తెలుగులో తప్ప ఇతర భాషల్లో ఎక్కడా ఇలాంటి ప్రయత్నం జరగలేదు. ఇందుకు కారణం... తెలుగు సినిమా గౌరవాన్ని ప్రపంచవ్యాప్తంగా చాటి చెప్పి, గిన్నిస్ బుక్ రికార్డ్ సాధించిన ఏకైక దర్శకుడు దాసరి నారాయణరావు. -
గురిపెట్టిన సత్యభామ
కాజల్ అగర్వాల్ ప్రధాన పాత్రధారిగా తెరకెక్కుతున్న ‘సత్యభామ’ విడుదల ఖరారైంది. సుమన్ చిక్కాల దర్శకత్వం వహిస్తున్న ఈ సినిమాని మే 17న ప్రేక్షకుల ముందుకు తీసుకొస్తున్నట్టుగా ఓ ప్రత్యేకమైన వీడియోతో ప్రకటించింది చిత్రబృందం. -
రజనీకాంత్ చిత్రం... కూలీ
లోకేశ్ కనగరాజ్ దర్శకత్వంలో రజనీకాంత్ కథానాయకుడిగా తెరకెక్కుతున్న చిత్రానికి ‘కూలీ’ అనే పేరుని ఖరారు చేశారు. ఇది రజనీ 171వ చిత్రం. సన్ పిక్చర్స్ నిర్మిస్తోంది. -
మహేశ్బాబు- కమిన్స్ ఫొటో వైరల్.. ఫ్రెండ్స్తో రాశీ.. కాజల్ ‘వింటేజ్ వైబ్స్’
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
పెద్ద స్టార్స్ ఎవరూ ఉండరు.. ‘ది దిల్లీ ఫైల్స్’ అప్డేట్ ఇచ్చిన దర్శకుడు
‘ది దిల్లీ ఫైల్స్’లో పెద్ద స్టార్స్ ఎవరూ ఉండరని దర్శకుడు స్పష్టం చేశారు.
తాజా వార్తలు (Latest News)
-
దుబాయ్ వరదలకు ముందు.. తర్వాత: శాటిలైట్ చిత్రాల్లో ఇలా
-
ఇన్స్టంట్ ఇ-పాన్ కావాలా..? ఉచితంగా పొందండిలా..
-
వన్ప్లస్ నార్డ్ సీఈ3 ఫోన్పై డిస్కౌంట్.. ఈ సబ్స్క్రిప్షన్లూ ఉచితం!
-
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
-
దాని గురించి మాట్లాడటానికి ఇది సరైన సమయం కాదు: హార్దిక్ పాండ్య
-
కొండగట్టు క్షేత్రంలో ఘనంగా హనుమాన్ జయంతి