MAA Elections: నరేశ్‌ తవ్విన గుంతలో మోహన్‌బాబు కుటుంబం పడిపోయింది: జీవిత

హైదరాబాద్‌: ‘నరేశ్‌ తవ్విన గుంతలో మోహన్‌బాబు కుటుంబం పడిపోయింది’ అని జీవితారాజశేఖర్‌ అన్నారు. అక్టోబరు 10న జరగనున్న ‘మా’ ఎన్నికల్లో ప్రకాశ్‌రాజ్‌ ప్యానెల్‌ నుంచి ఆమె జనరల్‌ సెక్రటరీగా పోటీ చేస్తున్న సంగతి తెలిసిందే. ఈ నేపథ్యంలోనే జీవిత మరోసారి ప్రెస్‌మీట్‌లో పాల్గొని, మాట్లాడారు.

‘‘ఎవరు ఎవరికైనా మద్దతు ఇవ్వొచ్చు. ధర్మంగా, న్యాయంగా పోరాడండి. ఇది మన కుటుంబం. ఇక్కడ బెదిరింపులు, ప్రలోభాలు, తాయిలాలు ఎందుకు? అవి అనవసరం. మీరు మంచి చేయండి అని చెప్పడానికి లంచం ఎందుకివ్వాలి? ‘మా’ సభ్యులం సుమారు 920 మంది ఉన్నాం. 60 ఏళ్ల పైబడిన వారు ఓటు వేసేందుకు భయపడుతున్నారు. రాజీవ్‌ కనకాల, శివ బాలాజీ మంచిగా మాట్లాడాలి. జయలలిత తమిళనాడు ముఖ్యమంత్రి అయ్యారు. అలాంటప్పుడు ప్రకాశ్‌ రాజ్‌ ‘మా’ అధ్యక్షుడు కాకూడదా? ప్రపంచం మొత్తానికి తెలిసిన వ్యక్తి ప్రకాశ్‌రాజ్‌. మోహన్‌బాబు కుటుంబాన్ని చూస్తుంటే జాలేస్తోంది. నరేశ్‌ తవ్విన గుంతలో ఆ ఫ్యామిలీ పడిపోతుంది. ‘మా’ విషయంలో నరేశ్‌ స్వార్థంతో పనిచేశారు. ప్రకాశ్‌రాజ్‌ నిజాయతీగా పనిచేస్తారు. నేను సరదాగా ఈ ఎన్నికల్లో పోటీ చేయడం లేదు. మంచి పనులు చేసేందుకు ముందుకొచ్చా. జీవిత రాజశేఖర్‌లని పిచ్చోళ్లని చేయొద్దు’ అని తెలిపారు.