Arjuna Phalguna: పులి అవుతావో బలి అవుతావో.. స్ఫూర్తినింపేలా ‘అర్జున ఫల్గుణ’ గీతం

ఇంటర్నెట్‌ డెస్క్‌: శ్రీవిష్ణు కథానాయకుడిగా తెరకెక్కుతున్న చిత్రం ‘అర్జున ఫల్గుణ’. అమృతా అయ్యర్‌ నాయిక. తేజ మర్ని దర్శకత్వం వహిస్తున్నారు. నిరంజన్‌రెడ్డి, అన్వేష్‌రెడ్డి నిర్మిస్తున్నారు. ఈ చిత్రంలోని ‘కాపాడేవా రాపాడేవా’ అంటూ సాగే పాటని బుధవారం విడుదల చేశారు. ఈ పాటకు చైతన్య ప్రసాద్‌ సాహిత్యం అందించగా ప్రియదర్శన్‌ బాలసుబ్రహ్మణ్యన్‌ స్వరాలు సమకూర్చారు. మోహన భోగరాజు ఆలపించారు. కథానాయకుడి పాత్రకు ప్రతికూల పరిస్థితులు ఎదురైన సమయంలో వచ్చే గీతమనిపిస్తోంది. సమస్యలకు తలవంచకుండా అనుకున్నది సాధించాలనే స్ఫూర్తినిస్తోంది. త్వరలోనే చిత్రాన్ని ప్రేక్షకుల ముందుకు తీసుకొచ్చేందుకు దర్శకనిర్మాతలు సన్నాహాలు చేస్తున్నారు. ఇప్పటికే విడుదలైన ‘గోదారోళ్లే’ సాంగ్, టీజర్‌కు విశేష స్పందన లభించింది. నరేష్‌, శివాజీరాజా, సుబ్బరాజు, దేవీప్రసాద్‌, రంగస్థలం మహేష్‌, రాజ్‌కుమార్‌ చౌదరి, చైతన్య తదితరులు నటిస్తున్న ఈ చిత్రానికి ఛాయాగ్రహణం: జగదీష్‌ చీకటి, కళ: గంధి నడికుడికర్‌, మాటలు: సుధీర్‌వర్మ.

► Read latest Cinema News and Telugu News