Viruman: కార్తి చిత్రం పూర్తి

తమిళ కథానాయకుడు కార్తి ప్రధాన పాత్రలో నటిస్తున్న చిత్రం ‘విరుమన్‌’. ముత్తయ్య   దర్శకత్వం వహిస్తున్న ఈ సినిమాతో ప్రముఖ దర్శకుడు శంకర్‌ తనయ అదితి హీరోయిన్‌గా పరిచయం అవుతోంది. సూర్య సొంత నిర్మాణ సంస్థ 2డి ఎంటర్‌టైన్‌మెంట్స్‌ పతాకంపై ఈ సినిమా తెరకెక్కింది. తాజాగా దీని చిత్రీకరణ పూర్తయినట్లు చిత్రబృందం ట్విటర్‌ ద్వారా   వెల్లడించింది. గ్రామీణ నేపథ్యంలో సాగే యాక్షన్‌ కథా చిత్రమిది. ‘మరుత్తు’, ‘కొంబన్‌’ చిత్రాలతో విజయాలు అందుకున్న ముత్తయ్య నుంచి వస్తోన్న ఈ సినిమాపై మంచి   అంచనాలే ఉన్నాయి. దీన్ని తెలుగులోనూ విడుదల చేయాలని యోచిస్తున్నారు.