Khiladi: ‘ఖిలాడి’ విడుదల ఖరారు

రవితేజ కథానాయకుడిగా తెరకెక్కుతున్న చిత్రం ‘ఖిలాడి’. ప్లే స్మార్ట్‌... అనేది ఉపశీర్షిక. మీనాక్షి చౌదరి, డింపుల్‌ హయతి కథానాయికలు. రమేష్‌వర్మ దర్శకత్వం వహిస్తున్నారు. సత్యనారాయణ కోనేరు నిర్మాత. చిత్రీకరణకి తుదిదశకు చేరుకుంది. వచ్చే ఏడాది ఫిబ్రవరి 11న చిత్రాన్ని ప్రేక్షకుల ముందుకు తీసుకొస్తారు. ఆ విషయాన్ని గురువారం అధికారికంగా ప్రకటించింది చిత్రబృందం. ‘‘యాక్షన్‌ ప్రధానంగా సాగే చిత్రమిది. చక్కటి వినోదాన్ని పంచుతుంది. రవితేజ విభిన్నమైన పాత్రని పోషిస్తున్నారు. దేవిశ్రీప్రసాద్‌ స్వర పరిచిన రెండు పాటలు ఇప్పటికే విడుదలై చక్కటి ఆదరణని సొంతం చేసుకున్నాయి. చిత్రం తప్పకుండా ప్రేక్షకుల్ని మెప్పిస్తుంద’’ని సినీ వర్గాలు తెలిపాయి. అర్జున్‌, ఉన్ని ముకుందన్‌, అనసూయ భరద్వాజ్‌ తదితరులు నటించిన ఈ చిత్రానికి ఛాయాగ్రహణం: సుజిత్‌ వాసుదేవ్‌, జీకే విష్ణు, సమర్పణ: జయంతిలాల్‌ గడ.