RGV: తల్వార్‌తో రామ్‌గోపాల్‌ వర్మ హల్‌చల్‌

హైదరాబాద్‌: అదిత్‌ అరుణ్‌, ఇర్రా మోర్‌ ప్రధాన పాత్రల్లో దర్శకుడు రామ్‌గోపాల్‌ వర్మ తెరకెక్కిస్తున్న చిత్రం ‘కొండా’. వరంగల్‌లోని కొండా మురళి, సురేఖ దంపతుల జీవితకథ ఆధారంగా ఈ సినిమా రూపొందుతోంది. తాజాగా ఈ సినిమా షూటింగ్‌ పూర్తయ్యింది. హనుమకొండలో ఆఖరి షెడ్యూల్‌ పూర్తైన వెంటనే చిత్రబృందం ఓ చిన్న పార్టీ ఏర్పాటు చేసింది. కొండా దంపతులు పాల్గొన్న ఈ పార్టీలో రామ్‌గోపాల్‌ వర్మ హంగామా చేశారు. తల్వార్‌తో కేక్‌ కట్‌ చేసి హల్‌చల్‌ చేశారు. దీనికి సంబంధించిన ఫొటోలు, వీడియోలను ట్విటర్‌ వేదికగా ఆయన షేర్‌ చేశారు. ప్రస్తుతం ఈ వీడియో నెట్టింట్లో వైరల్‌గా మారింది.