Updated : 02/12/2021 09:30 IST

Lakshya: పది పలకల దేహమైనా చేస్తా!

- నాగశౌర్య

డి లేచినవాడితో పందెం చాలా ప్రమాదకరం అని నిరూపించిన ఓ కుర్రాడి కథేమిటో తెలియాలంటే ‘లక్ష్య’ చూడాల్సిందే. నాగశౌర్య కథానాయకుడిగా నటించిన చిత్రమిది. కేతిక శర్మ కథానాయిక. సంతోష్‌ జాగర్లపూడి దర్శకుడిగా పరిచయం అవుతున్నారు. నారాయణ్‌దాస్‌ కె.నారంగ్‌, పుస్కూర్‌  రామ్మోహన్‌రావు, శరత్‌మరార్‌ సంయుక్తంగా నిర్మిస్తున్నారు. డిసెంబర్‌ 10న ఈ చిత్రం ప్రేక్షకుల ముందుకొస్తోంది. ఈ సినిమా ట్రైలర్‌ని ప్రముఖ కథానాయకుడు వెంకటేష్‌ విడుదల చేశారు. బుధవారం చిత్రబృందం ఏర్పాటు చేసిన విలేకర్ల సమావేశంలో దర్శకుడు మాట్లాడుతూ ‘‘విలువిద్య మీద నేను చేసిన మొదటి సినిమా ఇది. ఎన్నో ప్రాచీన విద్యలు మరుగున పడుతున్నాయి. మనం దేవుళ్లుగా కొలిచేవారి చేతిలో, వీరులుగా చెప్పుకొనే వారి చేతిలో విల్లుని చూస్తాం. అన్నింటినీ ఆటలు అంటాం కానీ, ఆర్చరీని విలువిద్య అంటాం. నేను రాసుకున్న ఈ కథని నమ్మి అవకాశం ఇచ్చారు నిర్మాతలు. నేను రాసుకున్నది నలభై శాతమైతే, వంద శాతాన్ని చేశారు కథానాయకుడు. మూడు రోజులు కనీసం మంచినీళ్లు తాగకుండా ఎనిమిది పలకల దేహంతో నటించారు. రితిక పాత్రలో కేతికశర్మ చక్కటి  అభినయం ప్రదర్శించింది. జగపతిబాబు, సచిన్‌ ఖేడేకర్‌ పాత్రలు చాలా బాగుంటాయి. రెండున్నరేళ్ల కష్టం ఈ సినిమా’’ అన్నారు. నాగశౌర్య మాట్లాడుతూ ‘‘క్రీడా నేపథ్యంలో సినిమా అంటే హీరో గెలవాలి, ప్రేమకథ అంటే అమ్మాయి, అబ్బాయి కలవాలి. ఈ చిత్రంలోనూ అంతే కానీ, ఇందులో హీరో ఎలా గెలిచాడన్నది ఆసక్తికరం. ఈ కథ 8 పలకల దేహం కోరింది. నేను చేశా. పాత్ర కోరితే పది పలకల దేహమైనా చేస్తా. జగపతిబాబు, సచిన్‌ ఖేడేకర్‌లతో కలిసి నటించడం మంచి అనుభవం. వారివల్లే నాలోని  నటుడిని బయటికి తీసుకు రావాలనే కోరిక పుట్టింది’’ అన్నారు. నిర్మాత రామ్‌మోహన్‌రావు మాట్లాడుతూ ‘‘క్రీడా నేపథ్యంతో కూడిన సినిమాలు వచ్చి చాలా కాలమైంది. అందరిలోనూ దీనిపై ఆసక్తి ఏర్పడింది. నాగశౌర్య చాలా కష్టపడి పనిచేశార’’న్నారు. కేతిక శర్మ, జానవి తదితరులు
పాల్గొన్నారు.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని