Bigg boss Telugu 5: సీక్రెట్ రూమ్లో జెస్సీ.. సమస్య మరింత జటిలం
కెప్టెన్ ఎంపికలో భాగంగా బిగ్బాస్ హౌస్లో గత కొన్నిరోజుల నుంచి బీబీ హోటల్ టాస్క్ నడుస్తోన్న విషయం తెలిసిందే. సీక్రెట్ టాస్క్లో విజయం సాధించడం కోసం కాజల్ డబ్బులను రవి దొంగిలించాడు....
హైదరాబాద్: కెప్టెన్ ఎంపికలో భాగంగా బిగ్బాస్ హౌస్లో గత కొన్నిరోజుల నుంచి బీబీ హోటల్ టాస్క్ నడుస్తోన్న విషయం తెలిసిందే. సీక్రెట్ టాస్క్లో విజయం సాధించడం కోసం కాజల్ డబ్బులను రవి దొంగిలించాడు. కాజల్ డబ్బులు కనిపించకపోవడంపై ఇంటిసభ్యుల మధ్య చర్చ జరిగింది. రూమ్ సర్వీస్ బాయ్ రవినే తన డబ్బులు దొంగిలించి ఉంటాడని కాజల్ చెప్పింది. ఆమె మాటలతో హోటల్ మేనేజర్ అనీమాస్టర్ ఏకీభవించలేదు. దీంతో తన డబ్బులు వెనక్కి వచ్చేవరకూ ఒక్క రూపాయి కూడా టిప్పు ఇవ్వనని కాజల్ తేల్చిచెప్పింది. డబ్బులు చెల్లించకపోతే ఎలాంటి సేవలు అందించమని రవి గట్టిగా చెప్పేశాడు. మరోవైపు ఎంత సర్వీసు చేస్తున్నా ఒక్కరూపాయి కూడా ఇవ్వడం లేదని అనీమాస్టర్ వాపోయింది. ‘‘నువ్వు కాజల్ డబ్బులు దొంగిలించడం నేను గమనించాను’’ అని రవితో షణ్ముఖ్ చెప్పాడు. దీంతో రవి.. అలాంటిది ఏమీ లేదని సమాధానమిచ్చాడు.
ఇప్పుడు సన్నీ టైమ్ వచ్చింది..!
ఈ వారం నామినేషన్స్లో భాగంగా సన్నీని అనీమాస్టర్ జైలులో వేసిన సంగతి తెలిసిందే. ‘‘మాకూ టైం వస్తుంది మాస్టర్’’ అని సన్నీ ఆరోజు అనీమాస్టర్తో సవాలు విసిరాడు. అన్నట్లుగానే ఇప్పుడు సన్నీ.. అనీమాస్టర్పై ప్రతీకారం తీర్చుకున్నాడు. మొదటిసారి ఫైవ్స్టార్ హోటల్కు వచ్చిన అతిథిగా సన్నీ.. హోటల్ మేనేజర్గా ఉన్న అనీమాస్టర్కు చుక్కలు చూపించాడు. సన్నీకి కావాల్సిన అన్నీ సేవలు చేసి.. టిప్పు ఇవ్వండి అంటూ అనీమాస్టర్ బతిమలాడుకుంది. మరోవైపు సిరి డాన్ కుమార్తె పాత్రలో జీవించింది. షణ్ముఖ్ చేత ఎక్కువ సేవలు చేయించుకుంది. ‘‘ఈ టాస్క్ తర్వాత నీ పరిస్థితి ఏంటో చూసుకో’’ అని షణ్ముఖ్ అనగా.. ‘‘నువ్వు నన్ను ఏం చేయలేవ్’’ అని కౌంటర్ ఇచ్చింది. కాజల్ డబ్బులు రవి కొట్టేయడంతో.. ఎలాగైనా డబ్బులు దక్కించుకోవాలనుకున్న కాజల్.. అనీమాస్టర్ సొమ్ము కాజేసింది. ఈ క్రమంలోనే కాజల్ తాగే నీటిలో రవి కారం కలిపాడు. అతను కావాలనే అలా చేశాడని కాజల్ పసిగట్టింది. దీంతో రవికి సీక్రెట్ ఇచ్చారన్న విషయం షణ్ముఖ్, కాజల్ కనిపెట్టేశారు.
టిప్పులపై గోలగోల..!
బీబీ హోటల్కు వచ్చిన అతిథులకు ఎన్ని సేవలు చేసినా డబ్బులు ఇవ్వకపోవడంపై హోటల్ సిబ్బంది అసహనానికి గురయ్యారు. టిప్పు ఇస్తేనే ఫుడ్ పెడతామని, లేకపోతే లేదని వస్తువులన్నీ తీసుకుపోయి స్టోర్ రూమ్లో పెట్టారు.
జెస్సీకి మరిన్ని కష్టాలు..!
వర్టిగో సమస్యతో బాధపడుతున్న జెస్సీ గత కొన్నిరోజుల నుంచి సీక్రెట్ రూమ్లో ఉన్న సంగతి తెలిసిందే. తాజాగా ఆ సమస్య మరింత ఎక్కువైనట్లు తెలుస్తోంది. ఇదే విషయాన్ని జెస్సీ బిగ్బాస్కు చెప్పాడు. దీంతో వైద్యులు మరోసారి అతన్ని పరీక్షించారు. మరి జెస్సీ ఆరోగ్య పరిస్థితి ఇప్పటికైనా మెరుగుపడుతుందా? కెప్టెన్సీ పోటీదారుల టాస్క్లో ఎవరు విజయం సాధిస్తారు? అనేది తెలియాలంటే ఈ రోజు ప్రసారం కానున్న బిగ్బాస్ ఎపిసోడ్ చూడాల్సిందే..!
► Read latest Cinema News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
అక్షయ్కుమార్, పంకజ్ త్రిపాఠి కీలక పాత్రల్లో నటించిన ‘ఓఎంజీ2’ తెలుగు వెర్షన్ ఇప్పుడు స్ట్రీమింగ్కు తీసుకొచ్చింది జియో సినిమా. -
‘హీరామండీ’తో నా కల నెరవేరింది: సోనాక్షి సిన్హా
తాను నటించిన ‘హీరామండీ’ వెబ్సిరీస్ త్వరలో విడుదల కానున్న నేపథ్యంలో సోనాక్షి ఇంటర్వ్యూలతో బిజీగా ఉన్నారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా