NBK 107: అమెరికా నేపథ్యంలో...

బాలకృష్ణ సినిమాల కథలు విదేశీ నేపథ్యంలో సాగడం అరుదు. ఆయన కొత్త సినిమా అమెరికాతో ముడిపడిన కథతో తెరకెక్కనుంది. గోపీచంద్‌ మలినేని దర్శకత్వంలో రూపొందనున్న ఈ చిత్రం ఇటీవల ఆరంభమైన సంగతి తెలిసిందే. మైత్రీ మూవీ మేకర్స్‌ పతాకంపై నవీన్‌ ఎర్నేని, వై.రవిశంకర్‌ కలిసి నిర్మిస్తున్నారు. జనవరి నుంచి చిత్రీకరణ షురూ కానుంది. శ్రుతిహాసన్‌ కథానాయిక. బాలకృష్ణని రెండు కోణాల్లో సాగే పాత్రలో చూపించనున్నారు. వాస్తవ సంఘటనలు, అమెరికా నేపథ్యంలో సాగే కథ కావడం ఆసక్తిని రేకెత్తిస్తోంది. ఛాయాగ్రహణం: రిషి పంజాబీ, కూర్పు: నవీన్‌ నూలి, సంగీతం: తమన్‌, సంభాషణలు: సాయిమాధవ్‌ బుర్రా.