Updated : 08/12/2021 13:55 IST

Alitho Saradaga: నేను నటించిన సినిమా చూసి రెండు నెలలు నిద్రపోలేదు: పూర్ణ

హైదరాబాద్‌: ‘శ్రీ మహాలక్ష్మి’ చిత్రంతో తెలుగులోకి ఎంట్రీ ఇచ్చి.. ‘అవును’, ‘సీమ టపాకాయ్‌’ వంటి సినిమాలతో పేరు తెచ్చుకున్న మలయాళీ నటి పూర్ణ. ఇటీవల ఆమె బాలకృష్ణ నటించిన ‘అఖండ’లో పద్మావతి పాత్రలో కనిపించి మంచి మార్కులు కొట్టేసిన విషయం తెలిసిందే. ఇదే సినిమాలో వరదరాజులుగా శ్రీకాంత్‌ తన నటనతో అందర్నీ భయపెట్టేశారు. తాజాగా ఈ ఇద్దరూ ఆలీ వ్యాఖ్యాతగా వ్యవహరిస్తోన్న ‘ఆలీతో సరదాగా’ కార్యక్రమంలో పాల్గొన్నారు. తమ కెరీర్‌పై ఎన్నో ఆసక్తికర వ్యాఖ్యలు చేశారు.

ఇందులో భాగంగా పూర్ణ మాట్లాడుతూ.. ‘‘అవును’ సినిమా చేసినంత కాలం నాకెలాంటి భయం వేయలేదు. ఎంతో సరదాగానే షూటింగ్‌ పూర్తి చేశాను. కానీ అది విడుదలయ్యాక ఓసారి ఆ సినిమా చూసి దాదాపు 2 నెలలపాటు నిద్రపోలేదు. చీకటిపడితే చాలు భయమేసేది. ఆఖరికి స్నానం చేసే సమయంలోనూ నా పక్కన ఎవరైనా కూర్చొన్నారా? అని కంగారుపడేదాన్ని’’ అని అన్నారు. అనంతరం ఇండస్ట్రీలో తనకు అనుకున్నంత పేరు రాకపోవడంపై మాట్లాడుతూ.. ‘‘సినిమాలపై నేను ఎక్కువగా శ్రద్ధ పెట్టలేదు. సినిమా పరిశ్రమకు వచ్చాక కొన్నింటికి ‘ఎస్‌’ చెప్పాల్సి ఉంటుంది. కానీ నేను చాలాసార్లు ‘నో’ చెప్పాను. నాకు ఇప్పటికీ గుర్తు ‘సీమ టపాకాయ్‌’ సమయంలో నేను ఎన్నోసార్లు ‘నో’ అన్నాను. అలా అనబట్టే ఇప్పటికీ ఇండస్ట్రీలో ఉండగలిగాననుకుంటా’’ అని పూర్ణ వివరించారు. ఇక, శ్రీకాంత్‌ మాట్లాడుతూ.. రాశీతో కలిసి ఓ సినిమా చేస్తోన్న సమయంలో డ్యాన్స్‌ మూమెంట్స్‌ విషయంలో డైరెక్టర్‌ తనని ఇబ్బందిపెట్టాడని.. దాంతో విసుగొచ్చి కోపంతో సెట్‌లో నుంచి బయటకు వెళ్లిపోయానని తెలిపారు.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని