Updated : 02 Dec 2021 11:47 IST

Radheshyam: ప్రభాస్‌-పూజా ఆన్‌స్క్రీన్‌ కెమిస్ట్రీ అదుర్స్‌.. లవ్‌ ఆంథమ్‌ వచ్చేసింది..!

హైదరాబాద్‌: పాన్‌ ఇండియా స్టార్‌ ప్రభాస్‌, నటి పూజాహెగ్డే జంటగా నటిస్తోన్న చిత్రం ‘రాధేశ్యామ్‌’. వింటేజ్‌ ప్రేమకథా చిత్రంగా తెరకెక్కిన ఈ సినిమా కోసం ప్రభాస్‌-పూజా మొదటిసారి స్క్రీన్‌ షేర్‌ చేసుకున్నారు. జనవరి 14న ఈ చిత్రం ప్రేక్షకుల ముందుకు రానుంది. ఈ నేపథ్యంలో తాజాగా ‘రాధేశ్యామ్‌’ నుంచి లవ్‌ ఆంథమ్‌ని చిత్రబృందం విడుదల చేసింది. బుధవారం హిందీ వెర్షన్‌ని ప్రేక్షకుల ముందుకు తీసుకువచ్చిన చిత్రబృందం తాజాగా తెలుగుతోపాటు మిగిలిన భాషల్లోనూ లవ్‌ ఆంథమ్‌ని ప్రేక్షకులతో పంచుకుంది. ‘నగుమోము తారలే’ అంటూ సాగే ఈ వీడియో సాంగ్‌లో ప్రభాస్‌-పూజాల ఆన్‌స్క్రీన్‌ కెమిస్ట్రీ ప్రేక్షకుల్ని ఫిదా చేసేలా ఉంది. మనసుని హత్తుకునేలా సాగిన ఈ ప్రేమగీతాన్ని సిద్ద్‌ శ్రీరామ్‌ ఆలపించారు. ‘రాధేశ్యామ్‌’ హిందీ వెర్షన్‌కు మిథున్‌, మిగిలిన భాషలకు జస్టిన్‌ ప్రభాకరణ్‌ సంగీతం అందిస్తోన్న విషయం తెలిసిందే.

పాన్‌ ఇండియా సినిమాగా తెరకెక్కిన ఈ చిత్రానికి రాధాకృష్ణ దర్శకత్వం వహించారు. చాలా సంవత్సరాల తర్వాత ప్రభాస్‌ ఈ సినిమాలో లవర్‌బాయ్‌ పాత్ర పోషించారు. ఇందులో ఆయన విక్రమాదిత్య అనే హస్తసాముద్రిక నిపుణుడి పాత్రలో కనిపించనున్నారు. పూజాహెగ్డే.. ప్రేరణ పాత్రలో సందడి చేయనున్నారు. భాగ్యశ్రీ, ప్రియదర్శి కీలకపాత్రల్లో కనిపించనున్నారు. యూవీ క్రియేషన్స్‌ పతాకంపై ఈ సినిమా నిర్మితమవుతోంది.

Read latest Cinema News and Telugu News



Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని